Popular Bible Verses from uMaaliko 6

Share

UYeesu ahati, “Tujende kukwilu kwe kutali avhantu, tutuuzye hansi.” Ávhavhuziizye vhwevhulo, mwe pe avhantu avhinji vhahavhinzilaga nu kwepa. Kuzya kuvhavhombela avhantu, uYeesu na vhatumwa vhaakwe vháposiitwe nu kuhaaga ahavhaliilizyo aha kulya.

UYeesu ahati, “Umukuvhwi akushindikwa ukunji kwonti. Ileelo ku mwavho na ku luho lwakwe na ku vhantu avha mu nyumba yaakwe atakushindikwa.”

Lwe uYeesu ayiiha mwi ivhooti, ahavhalola avhantu ivhungaana ipiti nkaani, ahavhafwila uvhwila, mwe pe vháamile ngati ngʼonzi zye zitali nu mudiimi. Ahataliha kuvhasambiilizya ivintu ivwinji.

Atahavhomba havhili amafindango agamwavho, ileelo ahavhavhiishila inyoovhe avhavhinu vhansi, ahavhaponia. Ahasukumila nkaani, mwe pe avhantu ivho vhatámwitisile. UYeesu ahazyunguulaga mu ntala zyeziila nu kusambiilizya.

UYeesu ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya amakaati igo, ahaavhapa avhasundikwa, inga vhavhagavhile avhantu ivho. Zyope inswi zivhili izyo ahavhagavhila vhonti. Avhantu vhonti vhahalya, vhahiikuta. Avhasundikwa vhaakwe vhahavhungaaniha ivwalila ivwa makaati ni nswi, vihiizula ivitundu 12.