Popular Bible Verses from Англунимо 6

Share

РАЕСТИ ачиля дор, со Вов стерда пэ пхув манушэ. Лэхкоро їло пхэрдиля дукхаґа.

РАЙ удыкхля, со мануша пэ пхув фартэ бут терэн бэзэх тай лэндири годи цырдэлпэ тэ тирэ холи.

Нэ Ноё аракхля мила дэ РАЕХКИРЭН якхэн.

Акэ роспхэндимо пала Ноё тай пала лэхкирэ чяворэн. Машкар манушэн кодыла вряматири кацик Ноё терэлас чячюнэ рындуря тай сля би дошатиро. Вов пхирэлас Дэвлэґа.

И пхэнда РАЙ: — Мэ скхосава пхуятар манушэндиро родо, саво Мэ стердом. Мэ умарава и манушэн, и барэн тай цыкнэн жывотнонэн, и чириклен болыбнэндирэн, пала када со Манди дор, со стердом лэн.

Манушэн ачиля будэр пэ пхув, тай лэндэ бэяндёнаспэ чея. Чявэ Дэвлэхкирэ удыкхле, со манушэндирэ чея фартэ шукарнэ, тай ачиле тэ лэ лэн пэсти дэ ромнен, сави касти чялёла. РАЙ пхэнда: — На авэла Фано Муро вечно дэ манушэ, пала када со мануш бэзэхало. Мэк авэла лэндирэ дивэса шэл биш бэрша. Дэ колэ дивэса тай пала лэн, кала чявэ Дэвлэхкирэ лэнас дэ ромнен манушэндирэн чеен, лэндэ бэяндёнаспэ чяворэ, сле пэ пхув нефилимы. Вонэ сле фартэ зоралэ, тай пала лэн шундёласпэ пураня вряматар.

Ноё терда вса кади, сар пхэнда лэсти Дэвэл.

Тунчи Дэвэл пхэнда Ноёсти: — Мэ терава, со всаворэ, ко исин джювдэ, хасявэна, пала лэн пхув пхэрдыня глабаґа. Мэ умарава и лэн, тай всавори пхув.

Стер пэсти ковчеґо рандятар гоферо. Стер дэ лэ цэрора тай макх лэ смолаґа гасатар тай андрал.

Дэвэл удыкхля, сар пхув мусардапэ пала када, со всаворэ мануша пэ пхув пэрэболдыне пэхкирэ дрома.

Залиджя дэ ковчеґо всаворэн жывотнонэн по дуй, лэ тай ла, соб вонэ тэ аченпэ джювдэнца ектханэ туґа.