Popular Bible Verses from Англунимо 17

Share

Кала Аврамости сля 99 бэрш, РАЙ сикавдапэ лэсти тай пхэнда: — Мэ— Дэвэл Всазорако; пхир англа Ман тай ав би бэзэхахкиро.

Ту будэр на авэґа тэ акхарэпэ Аврамоґа: тиро лав авэла Авраамо, пала када со Мэ стерава тут дадэґа бутэнди народэнди.

Мэ стерава Муро завето машкар Ман тай туґа, и чяворэнца тирэнца пэ всаворэ бэрша, сар вечно завето: Мэ авава тирэґа Дэвлэґа тай Дэвлэґа тирэнди чяворэнди.

— Муря ригатар, акэ Муро завето туґа: ту авэґа дадэґа бутэнди народэнди.

Дэвэл пхэнда: — Тири ромни Сарра бэянэла тути чявэ, тай ту акхарэґа лэ Исаако. Мэ стерава Муро завето лэґа сар вечно завето важ лэхкирэ чяворэндэ дэ всаворэ родуря.

Всавори пхув Ханаано, тев ту екхатар авилян, Мэ терава тут хулаеґа пэ всаворэ бэрша, тут и тирэ чяворэн; тай авава Мэ лэнди Дэвлэґа.

Авраамо тэлиля ды пхув, ай дэ пэстэ розасаняпэ тай подумисарда: «Бэяндёлапэ чяво манушэстэ, савэсти шэл бэрш? Бэяндёла ли чяворэ Сарра, савяти инядэша бэрш?»

Инте Дэвэл пхэнда Авраамости: — А Сара, ромня тиря, ту будэр на авэґа тэ акхарэ ла Сара, латиро лав авэла Сарра.

Кожнонэсти трэбуни тэ терэ обчиндимо, када авэла заветохкирэґа знакоґа машкар Ман тай тумэнца.

Нэ Муро завето авэла Исаакоґа, савэ Сарра бэянэла тути пэ авэр бэрш дэ кадыя вряма.

Кожно тумаро чяворо дэ всаворэ родуря трэбуни тэ авэл обчиндо, кала лэсти авэла охто дивэ: тай кодэва, ко бэяндапэ дэ тиро цэр, тай кодэва, саво на тирэндар чяворэндар, ай савэн тиндэ пала ловэ манушэстар аврятар пхуятар. Тай саво бэяндапэ дэ тиро цэр, тай савэн тиндэ пала ловэ, трэбуни тэ авэл обчиндо. Тай Муро завето пэ тумаро трупо авэла вечно.