Popular Bible Verses from इब्रानियों 11

Share

विस्वास करबा को अरत हे के, जणा चिजाँ की आपाँ आस लगा राकी हे, वीं आपाँने मलगी हे ईंको भरोसो कराँ हा। अन जीं चिजाँ ने आपाँ देक ने सका, पण आपाँने वाँको मलबा को पूरो भरोसो हे। अन अस्यान को विस्वास करबा की वजेऊँईस पुराणा टेम का मनकाँ ने परमेसर का आड़ीऊँ मान मल्यो हो।

काँके विस्वास के बना परमेसर ने राजी ने किदा जा सके हे अन जद्याँ कुई परबू का नके आवे हे, तो वींने विस्वास करणो छावे के, वो हे, अन ज्यो वींने होदे हे, वो वींने फळ देवे हे।

विस्वास करबा की वजेऊँ आपाँ ओ जाण सका हा के, परमेसर की आग्याऊँईस ईं बरमाण्ड की रचना वीं हे। ईं वाते, ईं हाराई दिकबावाळी चिजाँ, दिकबावाळी चिजाँऊँ ने बणी हे।

विस्वास करबा की वजेऊँ अबराम ने जद्याँ बलायो ग्यो हो तो वो आग्या मानन अस्यी जगाँ का आड़ी चाल पड़्यो, जिंको वारिस बणबावाळो हो, जद्याँ के, वो जाणतो भी ने हो, तद्याँ भी वो वटे ग्यो हो। विस्वास करबा की वजेऊँ परमेसर अबराम ने ज्या धरती देबा को वादो किदो हो वणी धरती का ऊपरे वो एक अणजाण मनक का रूप आपणो तम्बू बणान रेवा लागो, वस्यानीस इसाक अन याकूब भी तम्बू बणान रिया हा, ईं मनक भी अबरामऊँ ज्यो वादो किदो हो वणीस परमेसर का वादा का वारिस हे।

विस्वास करबा की वजेऊँ नूह भी वणा बाताँ ने ज्यो वींने दिकई कोयने दिदी ही। ईं बारा में चेतावणी पान परमेसर की दरपणी का हाते आपणाँ परवार ने बंचाबा का वाते जाँज बणायो हो, अस्यान करन वणी दनियाँ ने दोसी ठेराई अन वो धारमिकता को वारिस बणग्यो, ज्यो विस्वास करबाऊँ आवे हे।

विस्वास करबा की वजेऊँ हनोक ने वींके देह हमेत परमेसर वींने आपणाँ नके बला लिदो हे अन वणी मोत ने मेसूस ने किदी। अन वींने होद्‍यो पण वींको पतो कटेई ने चाल्यो। परमेसर वींने आपणाँ नके बला लिदो हो अन वींके नके बलायो जाबाऊँ पेल्याँई आ गवई दिदो गी ही के, वणी परमेसर ने राजी किदा हे।

विस्वास करबा की वजेऊँ हाबिल केनऊँ हव भेंट परमेसर के चड़ई ही। विस्वास करबा की वजेऊँ परमेसर वींकी भेंट ने मान लिदी अन वणीऊँ वींने एक धरमी मनक का रूप में मान मल्यो। वींके मरबा का केड़े आज आपाँ वणीऊँ हिका हा।

विस्वासऊँ जद्याँ सारा बाँज ही तद्याँ भी वाँ भूड़ापाँ में गरबवती वीं, काँके वणा वादो करबावाळा परमेसर ने विस्वास जोगा मान्यो।

काँके अबराम वणी नगर की वाट नाळरियो हो, जिंकी नीम मजबूत हे अन जिंने परमेसर माढ्यो अन बणायो हो।

विस्वास करबा वजेऊँ जद्याँ मूसो मोटो व्यो तद्याँ वो खुद फिरोन की बेटी को बेटो केबावाऊँ नटग्यो। अन वींने थोड़ाक दन रेबावाळा पाप का सक लेबाऊँ परमेसर का भगताँ का हाते दुक जेलणो घणो सई लागो। वींने मिसर का धन-दोलतऊँ ज्यादा मसी का हाते बेजत वेणो घणो किमती लागो, काँके वणी परमेसरऊँ मलाबावाळा ईनाम पे ध्यान लगा मेल्यो हो। विस्वास करबा की वजेऊँ वणी राजा की दरपणी ने राकी अन मिसर ने छोड़ दिदो। अन मानो वो ने दिकबावाळा परमेसर ने देकबा का जस्यान हारोई सेण किदो।

विस्वास की वजेऊँ जद्याँ परमेसर अबराम की परक कररिया हा, तद्याँ वणी इसाक की बली चड़बा की पुरी त्यारी कर लिदी। जद्याँ के परमेसर वणीऊँ क्यो हो के, “इसाकऊँ थाँरो बंस आगे बड़ी।” ईंका केड़े भी अबराम जिंने वादो मल्यो हो, वो आपणाँ एकलोता बेटी की बली देबा का वाते त्यार वेग्यो।

विस्वास करबा की वजेऊँ राहब नाम की वेस्याँ परमेसर की आग्या ने मानबावाळा मनकाँ का हाते नास ने वीं, काँके वणी भेदू मनकाँ की आवभगत किदी ही।

विस्वास करबा की वजेऊँ इजराएली मनक लाल समन्द ने अस्यान चालन पार किदो हो जस्यान के वीं हूँकी धरती पे चालरिया हा। पण जद्याँ मिसर का मनक अस्यान करबा लागा, तो वीं डुबग्या।

विस्वास करबा की वजेऊँ जद्याँ इजराएली मनक यरीहो नगर की भींत के हात दनाँ तईं चकर लगाया, वींके केड़े वा वटूँ धड़ी गी।

विस्वास करबा की वजेऊँ जद्याँ परमेसर वींने फसे का तेवार अन लुई छाटकबा का वाते हुकम दिदो हो, जद्याँ वणी वींकी हुकम को पालण किदो। ताँके इजराएल का पेली पोत का छोरा की मोत ने वेवे।

विस्वास करबा की वजेऊँ जद्याँ युसुप की आकरी टेम आगी ही तद्याँ वणी इजराएल का लोगाँ ने मिसरऊँ लेन निरगमन तईं की बाताँ बतई अन वाँने आग्या दिदो ही के, वीं अटूऊँ जावे वीं दाण मारा गाड़्या तका हाड़क्या भी हाते ले जावे।

विस्वास करबा की वजेऊँ याकूब जद्याँ मरबावाळो हा, तद्याँ वणी युसुप का हाराई बेटा ने आसीस दिदी अन आपणी लाटी का टेके ऊबो वेन परमेसर के धोक दिदो।

विस्वास की करबा की वजेऊँ इसाक, याकूब अन एसाव ने वाँके आबावाळा जीवन का वाते आसीस दिदी ही।