Popular Bible Verses from 2 तिमुतियूस 1

Share

काँके परमेसर आपाँने दरपणी के बजाय तागत, परेम अन खुद ने बंस में राकबा की आत्मा दिदी हे।

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

ईं वाते मूँ थने आद देवाड़ूँ के, वीं वरदान ने जीवतो राक, जिंने परमेसर थने वीं टेम दिदो हो, जद्याँ में थाँरा पे हात मेल्यो हो।

ईं वाते थूँ आपणाँ परबू अन मारी गवई देबा का वाते, ज्यो मसी का वाते बन्दी हूँ, हरमाज्ये मती, पण अस्यान करबा के, बजाय परमेसर, ज्या तागत थने दिदी हे, वींने मारा हाते हव हमच्यार का वाते दुक उटाबा में लगाज्ये।

अन ईं वजेऊँ मूँ ईं हारई दुक जेलूँ हूँ, पण मूँ ईं वाते हरमा ने मरूँ हूँ, काँके मूँ जाणूँ हूँ के, मारो विस्वास किंपे हे? अन मूँ ईं बात वाते पाको हूँ के, ज्यो कई वणा मने हूँप्यो हे, वींने मसी के पाच्छा आबा का दन तईं बंचाबा में तागतवर हे।