Popular Bible Verses from 2 कुरिन्थियों 5

Share

ईं वाते अबे ज्यो भी मसी में हे, वो परबू की नुवी रचना हे। पुराणी बाताँ परीगी हे अन अबे हारोई नुवो वेग्यो हे।

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

काँके आपाँ देकन ने जीवाँ पण विस्वासऊँ जीवाँ हाँ।

ईं हारी बाताँ परमेसर का आड़ीऊँ हे, जणा आपाँने मसीऊँ खुद में मेल-मिलाप करा लिदो हे अन आपाँने मनकाँ ने परमेसरऊँ मेल-मिलाप कराबा की सेवा को काम हूँप्यो हे। ईं वाते माँको हमच्यार ओ हे के, परमेसर लोगाँ का पाप ने अनदेका करन मसी की वजेऊँ खुद में मलारिया हे अन वोईस पाछो परमेसरऊँ मनकाँ को मेल-मिलाप करबा को हमच्यार माँने हूँप्यो हे।

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

ईसू हाराई का वाते मरिया हा, काँके ज्यो मनक जीवता हे वीं खुद का वाते ने जीवे, पण वीं वणी वाते जीवे ज्यो मरिया केड़े पाछो जीवतो कर दिदो ग्यो। अबे आगेऊँ आपाँ कणी भी मनक को ईं दनियाँ की रीत जस्यान न्याव ने कराँ। जद्याँ एक टेम आपाँ मसी को भी दनियाँ की रीत के जस्यानीस न्याव किदो हो, पण अबे कई भी वे आपाँ वींने अस्यान ने देकाँ।

मसी को परेम माँने बंस में राके हे, काँके माँ हमजग्या हा के, जद्याँ मसी हाराई का वाते मरग्या, तो वीं हाराई भी जूना जीवन का वाते मरग्या हे।