Popular Bible Verses from 2 कुरिन्थियों 12

Share

पण वणा मने क्यो थाँरा वाते मारी दया घणी हे काँके कमजोरी मेंईस मारी तागत हेलो काम करे हे। ईं वाते मूँ मारी कमजोरी में राजी वेन मेपणो करूँ, जणीऊँ मसी की तागत मारा पे आवे।

ईं तरियाँ मूँ मसी का आड़ीऊँ मारी कमजोरियाँ में, बेजत वेन में, दुक में, हताव में, तकलिप में, अबकी टेम में मूँ राजी रूँ हूँ। जद्याँ मूँ कमजोर वेवूँ हूँ, तद्याँईस मूँ जोरावर बणूँ हूँ।

जद्याँ मूँ मेपणो करबा की होचूँ भी हूँतो भी मूँ बेण्डो ने हूँ, काँके मूँ हाँच बोल सकूँ हूँ। पण थाँने ईं बातऊँ बंचाणा छावूँ हूँ जणीऊँ कुई मने अस्यान करतो देके कन हुणे हे तो वो अणीऊँ बड़न मने ने हमजे। मूँ ईं दरसण की वजेऊँ मोटो ने वे जऊँ, ईं वाते मारी देह में एक रोग दिदो ग्यो हे ज्यो सेतान को एक दूत हे अन ओ मने दुक देतो रेवे हे जणीऊँ मूँ घणो मेपणो ने कर सकूँ हूँ।