Popular Bible Verses from 1 कुरिन्थियों 15

Share

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

पण परमेसर को धन्नेवाद वे के, वणा आपाँने परबू ईसू मसीऊँ मोत पे जीत देवाड़ी हे।

धोको मती खाज्यो, “काँके बुरी संगती हव आदत ने भी बगाड़ देवे हे।”

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

“हे मोत थाँरी जीत कटे हे? अन थाँरो डंक कटे हे?” पाप एक डंक का जस्यान हे जणीऊँ आपाँ मरा हाँ अन आपणाँ नके नेम हे, जणीऊँ आपाँ जाणा हाँ के, आपीं पाप किदो हे।

थाँ ध्यान देन हुणो मूँ थाँने एक भेद की बात बताऊँ हूँ के, आपाँ हाराई मरा कोयने, पण आपणो रूप बदल्यो जाई। जद्याँ आकरी रणभेरी बजाई जाई वीं दाण आँक झपकाताँ तईं एकीस दाण में अस्यान वे जाई। जद्याँ रणभेरी बजाई जाई तो मरिया तका जीवता वेन अमर वे जाई अन आपाँ ज्यो जीवता हाँ बदल्या जावा।

काँके जद्याँ के एक मनकऊँ मोत अई हे तो एक मनक ऊँइस मरिया तकाऊँ पाछो जीवतो वेणो भी आयो हे। अन जस्यान आदम का करम की वजेऊँ हाराई का वाते मोत अई हे, तो वस्यानीस मसी की वजेऊँ हाराई ने पाच्छा जीवता किदा जाई।

काँके ईं नास वेबावाळी देह को नास ने वेबावाळी देह में बदलणो जरूरी हे अन आ मरबावाळी देह ने ने मरबावाळी देह में बदलणो जरूरी हे।

पण जद्याँ तईं परमेसर मसी का दसमणा ने वाँका पगाँ का रेटे ने कर दे, तद्याँ तईं वाँको राज करणो ते हे। अन आकरी दसमण मोत को नास करियो जाई।