Popular Bible Verses from 1 कुरिन्थियों 1

Share

पण परमेसर वणा मनकाँ ने चुण लिदा ज्याँने दनियाँ की नजराँ में मुरक हमज्या जावे हे, ताँके वीं दनियाँ का ग्यानवाळा ने लाजा मारे अन परमेसर दनियाँ की नजराँ में कमजोर हमज्या जाबावाळा ने चुण लिदा, ताँके वीं दनियाँ का तागतवराँ ने लाजा मारे।

वीं ज्यो भटक रिया हे वाँका वाते मसी को हूळी पे मरबा को संदेस एक मुरकता हे, पण ज्यो बंचाया जारिया हे वाँका वाते परमेसर की तागत हे।

काँके परमेसर की मुरकता मनकाँ ग्यानऊँ ग्यानवान हे अन परमेसर की कमजोरी मनकाँ की तागतऊँ घणी बलवान हे।

परमेसर विस्वास जोगा हे, जणा थाँने खुद का बेटा अन आपणाँ परबू ईसू मसी की संगत में बलाया हे।

हो विस्वासी भायाँ, आपणाँ परबू ईसू मसी का नाम में मारी थाँकाऊँ विनती हे के, थाँ हाराई एकीस बात केवो, थाँकामें कई भी फुट ने वेवे, एकीस मन अन एकीस मत वेन मल्या तका रेवो।

कटे हे ग्यानवान? कटे हे भणाबावाळा? कटे हे अणी दनियाँ का वाद-विवाद करबावाळा? कई परमेसर दनियाँ का ग्यान ने बेकार ने ठेरायो हे?