Popular Bible Verses from Romans 11

Share

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

Naippun miyisuwan ni ḵinabaḵnang, ḵinalaing ya igammun Apudyus! Naippun ḵallamog angipaḵaawat atte inabusna simsimmoḵ! Ḵad ippun os maḵaawat si ḵoona.

Isun ni nigili ye Ugudnae ḵanana, “Awad ḵamman tagu'ḵ angigammu si somsomoḵ Apu? Ḵad awad ḵamman ḵallabbong amagbaga ḵan siya?

Isuna bose sana, awad da udume buḻunḵu we Judyu we nabun-ane pinilin Apudyus aḵ taguna mipagapu si ḵinabaḻuna. Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.

Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive. Yaḵon diḵayu we Gentil we nipasani ḵan dida, ḵasapuḻane ummanyu ta adiyu amsewon da sadi ye naspaḵe panga, sosomḵonyu oḵyane daḵampun ḵan diḵayu amadaḵoḻ si lamutna yaḵon sa lamut amadaḵoḻ ḵan diḵayu.