Popular Bible Verses from Galatians 3

Share

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Mipagapu ḵan Jesu Kristu, binindisyunan Apudyus da Gentil we isun ni bindisyune inkarina ḵan Abraham ta ditaḵu we namati awaton taḵu oḵyan nikari ye Ispiritu Santu gapu si pammati taḵu.

Pun nalawage ippun ossaan aḵ naun-unan si antotollong Apudyus gapu si anuttuwaana si lintog te nigili si Ugud Apudyus we ḵanana, “Sa tagu we aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”