Popular Bible Verses from 2 Corinthians 4

Share

Te daḵampun aḵ siya gamgamanni da banage maila sina'd luta te amungtuda. Yaḵon da banag ad langite adipun maila, ippun anungusda.

Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni. Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

Taḵon ay nu ippun adini impadase ampaḵaḻaman, adiḵanipun paabaḵ. Udumna ḵad, ippun igammuni'ḵ ḵoonni yaḵon adiḵanipun madismaya. Ampaḵaḻamon da tagu diḵani yaḵon adimpun Apudyus diḵani iwwaḻang. Ḵad taḵon ay nu nilaw-anan diḵani adiḵanipun natoy.

Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani.

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.