Popular Bible Verses from 2 Corinthians 1

Share

Madaydayaw aḵ Apudyus we sa Apudyus ḵan Aman Jesu Kristu we Apu taḵu. Siya Ama we ḵumadagu ya Apudyus we maḻpuwan da losane badang ya amapigsa'tta pammati taḵu. Te papigsaona pammati taḵu'tta losane ampaḵaḻaman taḵu ta lamog taḵu papigsaon da pammatin da buḻun taḵu we ampaḵaḻam atta losane kalasin di ampaḵaḻamane isun ni namapigsaana ḵan ditaḵu.

Te sa ḵaadun da ampaḵaḻamanni ye isun ni nampaḵaḻaman Kristu, ḵaḵnat os isun ni amapigsaan Apudyus atta pammatini mipagapu ḵan Kristu.

Sa ḵatuttuwaan, ḵanannipun nu nagangput dummatong timpu we matoyanni. Yaḵon naḵwa da sana ta daḵampun aḵ sa long-agni antaḻgodanni yaḵon aḵ Apudyus we anagu'tta natoy.

Aḵ Apudyus amapigsa si pammati taḵu ḵan Kristu. Ḵad dinutuḵana ditaḵu'ḵ anserbi ḵan siya. Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

Nu ampaḵaḻam ḵani, para'tte pumigsaan da pammatiyu ḵan mataguwanyu. Ḵad nu pummigsa pammatini, para'tte pumigsaan da pammatiyu bos atte angipadasanyu anganusan ḵan angattoman atta ampaḵaḻamane isun da nampaḵaḻamanni.