Popular Bible Verses from फिलिप्पी 1

Share

मन्अ ई बात माळ्अ पूरो भरोसो छ क परमेसर ज्यो थांका बीच मं अस्यान का चोखा काम सरु कर्यो छ, बोई बीन्अ पूरो करबा ताणी ईसु मसी का पाछा आबा का दन ताणी बणाया रखाण्अलो।

म याई परातना करतो रेऊ छु क थांको परेम सांचा ज्ञान अर समझ की लार लगतमार बढ़तो रेवे। अर थे चोखा पारखी हो जावो जिसुं मसी का पाछा आबा का दन ताणी नरदोष अर चोखा मकसद मं रे सको।

म्हारअ ताणी जीबा को मतबल मसी छ, अर मरबो नफा की बात छ।

जी दन थे चोखो समचार सुण्या उं दन सुं लेर आजताणी थे ई चोखा समचार का परचार मं म्हारो साथ दिया छो। ईकी बजेसुं म जद बी थान्अ याद करू छु थांक्अ ताणी आपणा परमेसर न्अ धन्यवाद देऊ छु। अर जद बी थां सबळा क ताणी परातना करू छु, राजी होर परातना करू छु।

थे थांकी जन्दगी न्अ मसी का चोखा समचार की सीख की जस्यान जीओ। जिसुं म थांका बारा मं यो सुण सकुं क थे एक मन सुं अर एक मकसद सुं मजबूत होर चोखा समचार का बस्वास ताणी बाथेड़ो करर्या छो। चाये म थांक्अ सांकड्अ आंउ या कोन्अ आंउ।

म्हारी मंसा अर आसा याई छ क म कद्‍या बी नरास कोन्अ होउं पण पूरी हिम्मत रखाणु। जस्यान मसी की महमा सदाई म्हारी काया सुं होव्अ छी वस्यानई अब बी होती रेव्अ। छाये म जिऊ छाये मरूं।

क्युं क मसी की ओड़ी सुं थान्अ खाली बी माळ्अ बस्वास करबा कोई कोन्अ पण बी ताणी दुख उठाबा को बी सोभाग दियो गियो छ।