Popular Bible Verses from याकूब 3

Share

पण ज्यो ज्ञान सरग सुं आव्अ छ, वो पेली तो पवितर होव्अ छ, फेर मेलमिलाप हाळो, प्यारो, बात मानबाळो अर दीया सुं भरया अर चोखा फळा सुं लदेड़ो अर बना भेदभाव हाळो अर खरो होव्अ छ।

थाम्अ सुं समझदार अर हुंस्यार कुण छ? ज्यो अस्यानको होव्अ वो खुदका कामा न्अ चोखा चाल-चलण सुं उं नरमाई की लार दखाव्अ ज्यो ज्ञान सुं पैदा होव्अ छ।

अर मेलमिलाप कराबाळा सांति को बीज बाव्अ छ अर धार्मिकता को फळ पाव्अ छ।

क्युं क जण्ढ्अ बळ्यामरबो अर सुवार्थ होव्अ छ, उण्डअ बिरोध अर सारी बराया बी होव्अ छ।

इसुं ही आपा परबु अर बाप की महमा करां छा, अर इसुं ही परमेसर का रूप की जस्यान बणायेड़ा मनखा न्अ सराप देवा छा। एक'ई मूंडा सुं परमेसर की महमा बी करां छा अर लोगबागा न्अ सराप बी देवा छा। ह म्हारा भाई-बेणो अस्यान कोन होणी चायजे।

जीभ बी एक चन्गारी छ, अर या काया मं अधर्म को एक संसार छ, अर सारी काया प कळंक लगाव्अ छ, अर आपणी जन्दगी मं आग लगा देव्अ छ, अर नरक की आग सुं भभकती रेव्अ छ।

पण जीभ न्अ मनखा मं सुं कोई बसम्अ कोन कर सक्अ, बा एक अस्यान की बराई छ ज्यो रूक कोन सक्अ, अर मारबाळा जहर सुं भरी छ ज्यो कद्‍या बी चेनसुं कोन रेव्अ।

ह म्हारा भाई-बेणो, थाम्अ सुं साऊटा मनख बस्वास्या की टोळी मं सखाबाळा मत बणज्यो, क्युं क या जाणो क म्हे सखाबाळा साऊटा दोषी ठेरअला।