Popular Bible Verses from याकूब 1

Share

ह म्हारा भाई-बेणो, जद बी थे न्यारा-न्यारा अंथ्यामा मं पड़ो, तो ईन्अ पूरा उछ्‍याव की बात जाणो। क्युं क थांका बस्वास को अंथ्याम होबासुं थान्अ सेन करबा की तागत मल्अ छ।

पण थाम्अ सुं कोई न्अ बुध्दि की कमी होव्अ तो वो परमेसर सुं मांग्अ, ज्यो बना फटकार्या सब न्अ खुला मन सुं देव्अ छ, अर उन्अ देदी जाव्अली।

हे म्हारा प्यारा भायाओ, थे ई बात न्अ जाणल्यो क हरेक मनख सुणबा मं उतावळी करअ अर बोलबा मं थरचा राख्अ अर रोष न्अ काबु मं करबाळो होव्अ

पण सेन करबा की तागत न्अ पूरो काम करबाद्‍यो क थे पुरा अर पक्‍का बण जाओ, अर थाम्अ कांई बी बात की कमी कोन रेव्अ।

बचन प चालबाळा बणो, अर खाली सुणबाळा ही मत बणो, ज्यो खुदा-खुद न्अ धोखो देव्अ छ।

भागहाळो छ वो मनख ज्यो अंथ्याम मं बण्यो रेवे, क्युं क वो खरो नखळर जन्दगी को वो मुकुट पाव्अलो जिको वादो वो बीसुं परेम रांखबाळा की लार कर्यो छ।

क्युं क हरेक चोखो बरदान अर सबसुं चोखो दान सरग सुंई आव्अ छ अर उजाळा का बाप की ओड़ी सुं मल्अ छ, बीम्अ न्अ तो कोई बदलाव हो सक्अ अर न्अ वो फेर-बदल की बजेसुं छाया न्अ बणाव्अ।

क्युं क ज्यो कोई बचन न्अ सुण्अ छ अर बीप्अ कोन चाल्अ, तो वो बी मनख की जस्यान छ, ज्यो खुदको मूंडो कांच मं चोखां देख्अ छ। अस्यान वो खुदन्अ देखर चलजाव्अ छ, अर बेगोई भूल जाव्अ छ, क म कस्यान को छु।

परमेसर अर बाप क साम्अ खरी अर पवितर भगती या छ क रांडबेरा अर अनाथा का दुखा मं बांकी सायता करअ, अर खुदन्अ संसार सुं बेदाग रांख्अ।

जद्‍या कोईको अंथ्याम होव्अ, तो वो अस्यान कोन खेव्अ क म्हारो अंथ्याम परमेसर की ओड़ी सुं होव्अ छ, क्युं क न्अ तो बरी बाता सुं परमेसर को अंथ्याम हो सक्अ छ, अर न्अ वो खुद कोईको अंथ्याम लेव्अ छ। पण हर एक मनख खुदकी बरी मनसा सुं खच्यो आव्अ छ अर उम्अ फसर अंथ्याम मं पड़जाव्अ छ।

दीनहीन भाई घमण्ड करअ, क्युं क परमेसर थान्अ ऊंचा कर्यो छ।