Popular Bible Verses from 1 तीमुथियुस 2

Share

क्युं क परमेसर एक'ई छ अर परमेसर अर मनखा क गाब्अ बी एक'ई बिचोल्यो छ मतबल मसी ईसु ज्यो एक मनख छ। ज्यो खुदन्अ सबळा का छूटवाड़ा का दाम मं देदियो। क ठीक बगत म ईकी गुवाई दी जाव्अ क परमेसर सबळान्अ बचाबो छाव्अ छ।

सबसु पेली खास तो म्हारी थासुं या अरदास छ क सबळा बेई बिनती, परातना, अरदास अर धन्यवाद सबळा मनखा न्अ दियो जाव्अ। राज करबाळा अर अधिकारयां बेई परातना करो क आपा चेनसुं, सांति सुं, पूरी सरदा सुं अर परमेसर बेई सम्मान सुं जन्दगी जी सका।

जिसुं म्हारी मन्सा छ क हरेक ठार सबळा मनख पवितर हाथा न्अ जोड़र बना रोष अर रयाड़ कर्या परातना करअ। अस्यान'ई बेरबान्या सुं बी म याई चाऊ छु क सुवावणा लत्ता फेरर खुदन्अ सजाव्अ, बाळ गूंथर नही, सोना अर मोत्यां अर महंगा लत्ता सुं संणगार कोन करअ, पण अस्यान की बेरबान्या न्अ ज्यो खुदन्अ परमेसर की सेवा करबाळी मान्अ छ वांक बेई सई या छ क वे भला कामा सुं खुदन्अ सजाव्अ।