Popular Bible Verses from 1 थिस्सलुनीकियों 5

Share

हमेसा राजी रेवो। लगतमार परातना करता रेवो। हरेक बात मं परमेसर को धन्यवाद करो। क्युं क थांक्अ ताणी मसी ईसु मं परमेसर की याई मन्सा छ।

सांति देबाळो परमेसर खुद'ई थान्अ एकधम पवितर करअ। पुरीतरां सुं मतबल थे खुदका सबळा आत्मा, पराण अर काया न्अ आपणा परबु ईसु मसी क पाछो आबा ताणी एकधम बना दोष की बणाया रखाणो। वो परमेसर ज्यो थान्अ बलायो छ बस्वास करबा जस्यान को छ। जरूर वो अस्यान'ई करअलो।

देखता रेवो क कोई बराई को बदलो बराई सुं कोन देव्अ, पण सबळा मनख हमेसा एक-दूसरा की लारा भलाई की जोरी करअ।

जिसुं आमा-सामा सुख देवो अर एक-दूसरा न्अ आत्मा का रुप सुं गाढ़ा बणाता रेवो। जस्यान थे कर बी रया छो।

ह भाईवो, थासुं म्हाकी अरदास छ आळस्या न्अ चतावो, डरपण्या न्अ हिम्मत बन्धावो, बोदा मनखा की सायता मं चत लगावो, सबळा की लारा थरचा रखाणो।

क्युं क परमेसर आपान्अ खुदका रोष बेई नही पण आपणा परबु ईसु मसी मं मुक्‍ति पाबा बेई बणायो छ।

क्युं क थे सबळा तो उजाळा का छोरा छो अर दन की ओलाद छो। आपान्अ तो रात सुं जुड़ मेल्या छा अर न्अ अन्धेरा सुं।