Popular Bible Verses from Exodul 15

Share

O phendea: „Te ašunesa te lesa godi o mui le Raiehko, te Devllehko, te kărăsa so sî mišto angla Leste, te ašunesa Lehkă mothodimata, thai te arakhăsa sa Lehkă krisa, či malavaua tu či iekhasa anda le nasfalimata kai maladem le Ejipteanen; kă Me sîm o Rai, kai sastearăl tu.”

O Rai sî e zor thai o pateamos mîŕă dilabaimatăngă laudakă: O skăpisardea ma. O sî o Dell muŕo: Les lăudiua Les; O sî o Dell mîŕă daddehko: Les preamăriua Les.

Kon sî sar Tute maškar le devla, Raia? Ande sfinçenia Bravallo ande le kărdimata le lăudimahkă Thai kărditori minunengo?

Anda e milla Tiri, Tu Phiradean le, Thai skăpisardean kadoa poporo; Anda Ti zor Tu ortos les Karing o than la sfinçeniako Tireako.

Arăsline kai Mara; ta naštisarde te pen pai anda e Mara, anda kă sas kărti. Anda kodea o than kodoa sas dino anau Mara (Kărtimos). O poporo pupuisardea le Moisas phendindoi: „So same te peas?” O Moise dea mui karing o Rai; thai o Rai sîkadea leskă khă kašt, kai šudea les ando pai. Thai o pai kărdi'lo guglo. Oče dea o Rai le poporos krisa thai mothodimata, thai oče thodea les koa zumaimos.