Popular Bible Verses from أيث-روما 8

Share

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

أَقَا نش متْأَكّد بلِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن وَار ثْزمَّر اَذَانغ ثعْزڒ زِي ڒمْحِبّث ن أَربِّـي إِي د يمظْهَارن ذِي سِيذِيثْنغ عِيْسَى لْمَسِيح: ڒَا ذ ڒْموْث، ڒَا ذ ثُوْذَارْث، ڒَا ذ لمَلَائِكَاث، ڒَا ذ شَّيَاطِن، ڒَا ذ جْنُوْن، ڒَا ذ مِين يدْجَان ڒخُّو، ڒَا ذ مِين د غَا يَاسن، ڒَا ذ مِين يُوْعْڒَان، ڒَا ذ مِين يُوْدْجْغن، ؤُڒَا ذ شَا ن ڒْحَاجث نّغْنِي.

فَا اَمُّو اَرُّوْح يقدّْسن يتْعَاوَان-اَنغ ذِي ضُّعف نّغ. نشِّين وَار نسِّين شَا مْلِيح مِينْخف غَا نࢲَّادْج، وَلَكِن اَرُّوْح يقدّْسن س يِيخف نّس يتْطَلَاب-اَس إِ أَربِّـي خ سَّبَاب نّغ س ونْهَاك وَار يتْسمِيعن.

إِيوَا، مِين غَا نِينِي منْبَعْد إِ مَارَّا مَانَايَا؟ مڒَا أَربِّـي اَقَاث اَكِذْنغ، ؤُو يزمَّرن اَذ يِيڒِي ضد نّغ؟

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أَقَا يِنِّي يخدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن اَتَاف اَذ مّْثن. وَلَكِن يِنِّي يخدّْمن س ڒْخَاضَر نْسن ذِي ثْمسْڒَايِين ن اَرُّوْح اَتَاف اَذ دَّرن، أَغَارْسن يِيڒِي ڒهْنَا.

وَلَكِن ذِي مَارَّا مَانَايَا نشِّين نتْوَاحْسَاب كْتَار زِي لْأَبْطَال خ وفُوْس ن ونِّي إِي ذَانغ يخْسن.

شُوْف، نش تْوَاڒِيغ اَعدّب-أَ إِي خَانغ يتكّن ذِي دُّنشْت-أَ نتَّا وَار يدْجِي ذ وَالُو بَاش اَذ يمثّل اَك لْعَظَمَا إِي ذَانغ د غَا يمظْهَارن.

وِي ذَانغ غَا يعزْڒن زِي ڒمْحِبّث ن لْمَسِيح؟ ؤُڒَا ذ يجّن! ڒَا ذ اَزيَّار، ڒَا ذ تَمَارَا، ڒَا ذ اَعدّب، ڒَا ذ بُوْهيُّوْف، ڒَا ذ ثُوْعَرْيَانْت، ڒَا ذ لْخَطَر، ؤُڒَا ذ سِّيف.

ثُمَّا أَربِّـي نتَّا يتْوَاڒَان مِين يدْجَان ذݣ وُوْڒَاون ن بْنَاذم، ئِسّن مِين يتخْس اَرُّوْح يقدّْسن. لِأَنَّا اَرُّوْح عْلَاحْسَاب ڒْخَاضَر ن أَربِّـي يتْطَلَاب خ ڒْمُوْمِنِين صَّالِحِين.

أُو يِنِّي يذفَّارن اَرُّوْح ن أَربِّـي، ذ يِنِّي إِي يدْجَان ذ ثَارْوَا ن أَربِّـي.

شُوْف، يِنِّي يتْعِيشن عْلَاحْسَاب طَّبِيعَا ثَعفَّانْت نْسن خدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن. وَلَكِن يِنِّي يتْعِيشن عْلَاحْسَاب اَبْرِيذ ن اَرُّوْح خدّْمن س ڒْخَاضَر نْسن ذِي ثْمسْڒَايِين ن اَرُّوْح.

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

يعْنِي اَرُّوْح ن أَربِّـي س يِيخف نّس إِݣ يصَّاحن ذِي اَرُّوْح نّغ بلِّي نشِّين ذ ثَارْوَا ن أَربِّـي. أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

شُوْف، نشِّين نسّن بلِّي مَارَّا مِين د يتْوَاخڒْقن اَقَاثن اَڒ نْهَارَا عَاذ تْنزْبَارن اَمشْنَاو ثَمْغَارْث نِّي إِي ذِي يدْجَا ڒحْرِيق ن ثَارْوَا.