Popular Bible Verses from 1 تيموتاوس 2

Share

لِأَنَّا ذِنِّي يجّن ن أَربِّـي وَاحْذس ذ يِجّن لْوَاسِيط وَاحْذس جَار أَربِّـي ذ يِوْذَان يعْنِي اَرْيَاز-أَ ذ عِيْسَى لْمَسِيح. نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

ذ اَمزْوَارُو تْوصِّيغ-كنِّيو اَذ تتَّارم إِ أَربِّـي اَث تدْعِيم اَث طلْبم اَث تْشكَّرم خ مَارَّا يوْذَان ذ يزدْجِيذن ذ مَارَّا يِنِّي يحكّْمن بَاش أَ نْعِيشث ذݣ يِجّن ن ڒهْنَا بْڒَا سّْدَع ذݣ يِجّن ن طَّاعَا ن أَربِّـي ذ يِجّن ن لْمَعْقُوْل.

فَلِيهَذَا خْسغ يرْيَازن ذِي مَارَّا يمُوْشَان اَذ ࢲَّادْجن اَذ يْسِين يفَاسّن نْسن يصْفَان غَار وجنَّا بْڒَا مَا ٱذ تْعصّْبن بْڒَا مَا ٱذ تْمنْغَان. أَمنِّي عَاوذ خْسغ ثِمْغَارِين اَذَايْسنْت يِيڒِي لْإِحْتِرَام اَذَايْسنْت يِيڒِي ڒحْيَا ذ لْمَعْقُوْل، مَاشِي اَذ قِّيمنْت س وشوَّاف يضْڒق اَطَّاس نِغ س دّْهب ذ جُّوْهَار ذ وَارُّوْض إِي يغْڒَان. لَّا، أَذ صَارنْت يخف نْسنْت س لْحَسَانَاث إِݣ يدْجَان لَابُد ذِي ثمْغَارِين نِّي يقَّارن قَا نشِّين نْعبّذ أَربِّـي.