Popular Bible Verses from ರೋಮಾಯೆರೆಗ್ 8

Share

ಉಂದತ್ತಂದೆ ದೇವೆರೆ ಸಂಕಲ್ಪೊಡ್ದು ಲೆಪ್ಪಾವೊಂದು ಪ್ರೀತಿ ಮಲ್ಪುನಾಕುಲೆನ ಎಡ್ಡೆಗ್ ಮಾತ ಕಾರ್ಯೊಲು ಅನುಕೂಲ ಆಪುಂಡು ಪಂಡ್ದ್ ನಂಕ್ ಗೊತ್ತುಂಡು.

ಎಂಚಂದ್ಂಡ ಮರಣ ಆವಡ್, ಜೀವ ಆವಡ್, ದೇವದೂತೆರಾವಡ್, ದುರಾತ್ಮೊಲಾವಡ್, ಬಲೊಲು ಆವಡ್, ಇತ್ತೆದ ಸಂಗತಿಲು ಆವಡ್ ದುಂಬದ ಸಂಗತಿಲು ಆವಡ್, ಮಿತ್ತ್‌ದ ಲೋಕ ಆವಡ್, ತಿರ್ತ್‌ದ ಲೋಕ ಆವಡ್, ಬೇತೆ ವಾ ಸೃಷ್ಟಿ ಆವಡ್ ನಮನ್ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ತೋಜಿದ್ ಬತ್ತಿ ದೇವೆರೆ ಪ್ರೀತಿಡ್ದ್ ದೂರ ಮಲ್ಪೆರೆಗ್ ಆವಂದ್ ಪಂಡ್ದ್ ಎಂಕ್ ನಿಗಂಟ್ ಉಂಡು.

ಅಂಚೆನೇ ಪರಿಶುದ್ಧಾತ್ಮೆಲಾ ಬಲಹೀನೆರಾದುಪ್ಪು ನಂಕ್ ಸಹಾಯ ಮಲ್ಪುವೆ. ನಂಕ್ ಎಂಚ ಪ್ರಾರ್ಥನೆ ಮಲ್ಪೊಡಂದ್‌ದ್ ತೆರಿಯಂದಿನಪಗ ಪರಿಶುದ್ಧಾತ್ಮೆನೇ ಪನಿಯೆರೆ ಆವಂದಿ ನರಳಾಟೊಡ್ದು ನಂಕಾದ್ ನಟ್ಟೊನ್ವೆ.

ಅಂಚಾಂಡ ಈ ಸಂಗತಿಲೆಡ್ ನಮ ದಾನೆ ಪನ್ಕ? ದೇವೆರ್ ನಮ ಕಡೆಟ್ಟ್ ಉಲ್ಲೆಡ ನಂಕ್ ಎದುರು ಉಂತುನಾಯೆ ಏರ್?

ಅವೆಡ್ದಾವರ ಕ್ರಿಸ್ತ ಯೇಸುಡೊಪ್ಪ ಉಪ್ಪುನಾಕುಲೆಗ್ ಅಪರಾಧದ ತೀರ್ಪು ಇತ್ತೆ ಇಜ್ಜೇ ಇಜ್ಜಿ.

ಶರೀರಭಾವೊಡು ನಡಪುಡುನವು ಮರಣೊಡು ಅಂತ್ಯ ಆಪುಂಡು. ಆಂಡ ಆತ್ಮಭಾವೊಡು ನಡಪುಡುನವು ಜೀವೊಡ್ಲಾ ಸಮಾಧಾನೊಡ್ಲಾ ಅಂತ್ಯ ಆಪುಂಡು.

ಕ್ರಿಸ್ತೆ ನಮನ್ ಪ್ರೀತಿ ಮಲ್ಪುನೆಡ್ದ್ ನಮ ಈ ಮಾತ ಸಂಗತಿಲೆಡ್ ಪೂರ್ತಿ ಜಯಶಾಲಿಲು ಆದುಲ್ಲ.

ಇತ್ತೆದ ಕಾಲೊಲೆಡ್ ನಂಕಾಪಿನ ಕಷ್ಟೊಲು ನಂಕ್ ದುಂಬಗ್ ತಿಕ್ಕುನ ಮೈಮೆದ ಎದುರುಡು ದಾಲಾ ಅತ್ತ್ ಪಂಡ್ದ್ ಯಾನ್ ಎನ್ನುವೆ.

ಕ್ರಿಸ್ತನ ಪ್ರೀತಿಡ್ದ್ ಏರ್ ನಮನ್ ದೂರ ಮಲ್ಪೊಲಿ? ಕಷ್ಟನಾ, ಸಂಕಟನಾ, ಭಂಗನಾ, ಬಡವಾ, ಕುಂಟುದಾಂತೆ ಉಪ್ಪುನವ, ಅಪಾಯನಾ, ಮರಣನಾ?

ಆಂಡ ಉಡಲ್‌ನ್ ತೂಪಿನ ಪವಿತ್ರಾತ್ಮನ ಯೋಚನೆ ದಾನೆ ಪಂಡ್ದ್ ತೆರಿದುಂಡು. ಆ ಆತ್ಮೆ ದೇವೆರೆ ಚಿತ್ತೊಗು ಸರಿಯಾದ್ ದೇವಜನೊಕುಲೆಗಾದ್ ನಟ್ಟೊನ್ವೆ ಪಂಡ್ದ್ ಆಯೆ ತೆರಿದೆ.

ಏರೇರ್ ದೇವೆರೆ ಆತ್ಮೊಡ್ದು ನಡತೊನ್ವೆರಾ ಅಕುಲು ದೇವೆರೆ ಜೋಕುಲು.

ಶರೀರಭಾವೊಡು ಬದುಕುನಾಕುಲು ಐಕ್ ಸಮ್ಮಂಧವಾಯಿನೆತ್ತ ಮಿತ್ತ್ ಮನಸ್ ದೀಪೆರ್. ಆಂಡ ಪವಿತ್ರಾತ್ಮಭಾವೊಡು ಬದುಕುನಾಕುಲು ಪರಿಶುದ್ಧಾತ್ಮಗ್ ಸಮ್ಮಂಧವಾಯಿನೆತ್ತ ಮಿತ್ತ್ ಮನಸ್ ದೀಪೆರ್.

ತನ ಸ್ವಂತ ಮಗನ್ ಜೋಕೆ ಮಲ್ಪಂದೆ ಆಯನ್ ನಂಕಾದ್ ಒಚ್ಚಿದ್ ಕೊರಿಯೆ ಅತ್ತಾ? ಮಗನ್ ಕೊರಿ ಬೊಕ್ಕ ಸಮಸ್ತೊನ್ಲಾ ನಂಕ್ ಕೊರಂದೆ ಉಪ್ಪೆನಾ?

ನಮ ದೇವೆರೆ ಜೋಕುಲು ಆದುಲ್ಲ ಪನ್ಪಿನೆಕ್ಕ್ ಪವಿತ್ರಾತ್ಮೆನೇ ನಮ ಆತ್ಮದೊಟ್ಟಿಗೆ ಸಾಕ್ಷಿ ಪನ್ಪುಂಡು. ನಮ ಜೋಕುಲು ಆದುಲ್ಲಡ ಹಕ್ಕ್‌ದಾಕುಲಾದುಲ್ಲ, ದೇವೆರೆ ಹಕ್ಕ್‌ದಾಕುಲಾದುಲ್ಲ, ಅಂಚೆನೆ ಕ್ರಿಸ್ತಡೊಪ್ಪಲಾ ಹಕ್ಕ್‌ದಾಕುಲಾದುಲ್ಲ. ದಾಯೆಗಂದ್ಂಡ ಕ್ರಿಸ್ತನ ಭಾದೆಲೆಡ್ ನಮ ಪಾಲ್ ದೆತ್ತೊನುವಡ ಆಯ ಮೈಮೆಡ್ಲಾ ನಂಕ್ ಪಾಲುಂಡು.

ಅಂಚಾದ್, ತನ್ಕುಲೆ ಶರೀರಭಾವೊಡು ನಡಪುಡುನಾಕುಲು ದೇವೆರೆಗ್ ವೈರಿಲಾಪೆರ್; ಅಕುಲು ದೇವೆರೆ ನಿಯಮೊಲೆನ್ ಕೈಕೊನುಜೆರ್, ಕೈಕೊನಿಯೆರೆ ಅಕ್ಲೆಗ್ ಆಪಿನವುಲಾ ಇಜ್ಜಿ.

ದೇವೆರೆ ಜೋಕುಲೆಗ್ ತಿಕ್ಕುನ ಮೈಮೆ ಏಪ ತೋಜಿದ್ ಬರು ಅಂದ್‌ದ್ ಇಡೀ ಸೃಷ್ಟಿಲಾ ಆಸೆಡ್ ಕಾತೊಂದುಂಡು.

ಇನಿ ಮುಟ್ಟಲಾ ಇಡೀ ಸೃಷ್ಟಿ ಪೆದ್ಪಿ ಬೇನೆದಲೆಕ್ಕ ನರಕೊಂದುಂಡು ಪಂಡ್ದ್ ನಮ ತೆರಿದ.