Popular Bible Verses from ರೋಮಾಯೆರೆಗ್ 12

Share

ಲೋಕದ ನಡತೆಗ್ ಸರಿಯಾದ್ ನಡಪಂದೆ ಪೊಸ ಮನಸ್‌ನ್ ಪಡೆಯೊಂದು ಪರಲೋಕದಾಕುಲಾಲೆ. ಇಂಚಾಂಡ ದೇವೆರೆ ಚಿತ್ತೊಗು ಸರಿಯಾಯಿನವು ಅಂದ್ಂಡ ಎಡ್ಡೆಂತಿನವುಲಾ, ಮೆಚ್ಚಿಗೆ ಆಯಿನವುಲಾ, ದೋಷದಾಂತಿನವುಲಾ ಒವ್ವು ಅಂದ್‌ದ್ ತೆರಿಯೊನ್ವರ್.

ಅಂಚಾದ್ ಸಹೋದ್ರೆರೇ, ದೇವೆರೆ ಕನಿಕರೊನು ನಿಕ್ಲೆನ ನೆನೆಪುಗು ಕನತ್‌ದ್ ನಿಕ್ಲೆಡ ನಟ್ಟೊನೊನು ದಾನೆಂದ್ಂಡ, ನಿಕುಲು ನಿಕ್ಲೆನ ಶರೀರೊಲೆನ್ ದೇವೆರೆಗ್ ಪರಿಶುದ್ಧಲಾ ಮೆಚ್ಚಿಗೆಲಾ ಆದುಪ್ಪು ಸಜೀವ ಯಜ್ಞದ ಬಲಿ ಆದ್ ಒಚ್ಚಿದ್ ಕೊರ್ಲೆ. ಉಂದೇ ನಿಕ್ಲೆನ ನಿಜವಾಯಿನ ಆರಾಧನೆ.

ಕ್ರೈಸ್ತೆರ್ ಕಾತೊಂದುಪ್ಪುನ ಆ ಮಲ್ಲ ಪದೊನು ನೆನೆತೊಂದು ಸಂತೋಷೊಡುಪ್ಪುಲೆ. ಉಪದ್ರೊಲೆಡ್ ತಾಳ್ಮೆದಾಕುಲಾಲೆ. ಬೇಜಾರ್‌ದಾಂತೆ ಪ್ರಾರ್ಥನೆ ಮಲ್ಪುಲೆ.

ಬೊಡ್ಚಾಂದಿನೆಕ್ಕ್ ಸೋತು ಪೋವಂದೆ ಎಡ್ಡೆ ಗುಣೊಡ್ದು ಬೊಡ್ಚಾಂದಿನೆನ್ ಸೋಪಾಲ.

ಕ್ರೈಸ್ತ ಸಹೋದ್ರೆರ್ ಮೆಗ್ಯೆಪಲಯೆ ಪಂಡ್ದ್ ಒರಿಯನ್ ಒರಿ ಪ್ರೀತಿ ಮಲ್ಪುಲೆ. ಮಾನಮರ್ಯಾದೆನ್ ತೋಜಾವುನೆಟ್ಟ್ ಒರಿಯಡ್ದ್ ಒರಿ ದುಂಬುಪ್ಪುಲೆ.

ಅಂಚೆನೇ ನಿಕ್ಲೆನ ಪ್ರೀತಿ ಕಪಟದಾಂತಿನವು ಆದುಪ್ಪಡ್. ಬೊಡ್ಚಾಂದಿನೆನ್ ಬುಡ್ದು ಎಡ್ಡೆಂತಿನೆನ್ ಪತ್ತೊನ್ಲೆ.

ಸಾದ್ಯ ಆಂಡ ಮಾತೆರೆಡೊಪ್ಪ ಸಮಾಧಾನೊಡು ಉಪ್ಪುಲೆ.

ಪ್ರೀತಿದಾಕುಲೇ, ನಿಕುಲೇ ಪಗತೆಗ್ ಪಗತೆ ಕೊರಂದೆ, ಶಿಕ್ಷೆ ಕೊರ್ಪಿನೆನ್ ದೇವೆರೆಗ್ ಬುಡ್ಲೆ. ದಾಯೆಗಂದ್ಂಡ ಪಗತೆಗ್ ಪಗತೆ ಕೊರ್ಪಿನವು ಎನ ಬೇಲೆ. ಯಾನೇ ಪ್ರತಿಫಲೊನು ಕೊರ್ಪೆ ಪಂಡ್ದ್ ಕರ್ತವೆ ಪನ್ಪೆ ಪಂಡ್ದ್ ಬರೆತ್ಂಡ್.

ಸೋಮಾರಿಲು ಆದುಪ್ಪಂದೆ, ಕಷ್ಟ ಬುಡ್ದು ಬೆನ್ಲೆ. ಆಸಕ್ತಿಡ್ ಕರ್ತವ ಸೇವೆ ಮಲ್ಪುನಾಕುಲು ಆದುಪ್ಪುಲೆ.

ದೇವೆರ್ ಎಂಕ್ ದಯ ಮಲ್ತಿನ ಸೇವೆನ್ ನಡಪಾದ್ ನಿಕ್ಲೆಡ ಒರಿ ಒರಿಯಗ್ ಪನ್ಪಿನಿ ದಾನೆಂದ್ಂಡ, ಏರ್ಲಾ ತನ ಯೋಗ್ಯತೆನ್ ಮೀರ್‌ದ್ ತನನ್ ತಾನೇ ಎನ್ನೊನಂದೆ, ಐತ ಪಗತೆಗ್ ನಿಕ್ಲೆ ಯೋಚನೆಡ್ ತಕ್ಕದಾಕುಲಾದಿತ್ತ್‌ದ್ ದೇವೆರ್ ನಿಕ್ಲೆಗ್ ಕೊರ್ತಿನ ನಂಬಿಕೆಗ್ ಸರಿಯಾದ್ ನಿಕ್ಲೆನ್ ತೀರ್ಪು ಮಲ್ತೊನ್ಲೆ.

ಏರೆಗ್ಲಾ ಅಪಕಾರೊಗು ಅಪಕಾರ ಮಲ್ಪಡೆ. ಮಾತೆರೆ ದೃಷ್ಟಿಡ್ ಎಡ್ಡೆಂತಿನೆನೇ ಮಲ್ಪುಲೆ.

ನಿಕ್ಲೆ ನಿಕ್ಲೆನ ಉಲಯಿ ಒಂಜೇ ಮನಸ್‌ದಾಕುಲು ಆದುಪ್ಪುಲೆ. ಮಲ್ಲಾದಿಗೆಡ್ ಮನಸ್ ದೀವಂದೆ ತಗ್ಗ್‌ದಿನಾಕುಲೆಡೊಪ್ಪ ಕೂಡೊನ್ಲೆ. ನಿಕ್ಲೆನ್ ನಿಕುಲೇ ಬುದ್ಧಿವಂತೆರಂದ್‌ದ್ ಎನ್ನೊನಡೆ.

ಅಂಚಾಂಡ, “ನಿನ ವೈರಿ ಬಡವುಡಿತ್ತೆಡ, ಆಯಗ್ ವಣಸ್ ಕೊರ್ಲ; ಬಾಜೆಲ್‌ಡಿತ್ತೆಡ ಪರಿಯೆರೆ ಕೊರ್ಲ. ಇಂಚ ಮಲ್ಪುನೆಡ್ದ್ ಆಯ ತರೆತ ಮಿತ್ತ್ ಗೆಂಡ ದೀಯಿಲೆಕ್ಕ ಆಪುಂಡು.”

ನಿಕ್ಲೆಗ್ ಭಂಗ ಕೊರ್ಪಿನಾಕುಲೆಗ್ ಆಶೀರ್ವಾದ ಮಲ್ಪುಲೆ. ಸಂತೋಷೊಡು ಉಪ್ಪುನಾಕುಲೆಡೊಪ್ಪ ಸಂತೋಷೊಡು ಉಪ್ಪುಲೆ; ಬುಲ್ಪುನಾಕುಲೆಡೊಪ್ಪ ಬುಲ್ಪುಲೆ.

ದೇವಜನೊಕುಲೆಗ್ ಭಂಗ ಬನ್ನಗ ಸಹಾಯ ಮಲ್ಪುಲೆ. ಬಿನ್ನೆರೆನ್ ಸುದಾರಿಪುನೆನ್ ಅಭ್ಯಾಸ ಮಲ್ಪುಲೆ.

ದಾಯೆಗಂದ್ಂಡ ನಂಕುಪ್ಪು ಒಂಜೇ ಶರೀರೊಡು ಕೆಲವು ಅಂಗೊಲುಪ್ಪುನಗ ಆ ಮಾತ ಅಂಗೊಲೆಗ್ ಒಂಜೇ ಬೇಲೆ ಉಪ್ಪುಜಿ. ಅಂಚೆನೇ ನಮ ಮಾತೆರ್ ಒಂಜಾದ್ ಕ್ರಿಸ್ತಡ್ ಒಂಜೇ ಶರೀರ ಆದ್ ಒರಿಯಗ್ ಒರಿ ಸಂಬಂಧ ಪಡೆಯಿ ಅಂಗೊಲು ಆದುಲ್ಲ.