ಅಪಗ ಪೇತ್ರೆ, “ಅನನೀಯಾ, ಈ ಆ ಕಂಡದ ಕ್ರಯೊಡ್ದು ಒಂಜಿ ಪಾಲ್ ಗುಟ್ಟುಡು ದೀದ್ ಪರಿಶುದ್ಧಾತ್ಮನ್ ಮೋಸ ಮಲ್ಪುಲೆಕ್ಕ ಸೈತಾನನ್ ನಿನ ಉಡಲ್ಡ್ ದಾಯೆಗ್ ದಿಂಜಾದ. ಆ ಆಸ್ತಿ ಮಾರುನೆಡ್ದ್ ದುಂಬು ನಿನ್ನವು ಆದಿತ್ತ್ಂಡ್ತ್ತಾ, ಮಾರ್ದ್ ಬತ್ತಿನ ಕಾಸ್ಲಾ ನಿನಡನೇ ಇತ್ತ್ಂಡತ್ತಾ? ಈ ಬೊಡ್ಚಾಂದಿನ ಕಾರ್ಯೊನು ನಿನ ಉಡಲ್ಡ್ ದಾಯೆಗ್ ಮಲ್ತೊಂಡ? ಈ ಸುಳ್ಳು ಪಂಡಿನಿ ನರಮಾನಿಲೆಗ್ ಅತ್ತ್ ದೇವೆರೆಗ್.” ಅಂದ್ದ್ ಪಂಡೆ. ಈ ಪಾತೆರೊನು ಅನನೀಯೆ ಕೇಂಡಿನಪಗನೇ ಬೂರ್ದು ಪ್ರಾಣ ಬುಡಿಯೆ. ಕೇಂಡಿನಾಕುಲೆಗ್ ಮಾತೆರೆಗ್ಲಾ ಬಾರಿ ಪೋಡಿಗೆ ಪತ್ತ್ಂಡ್.