Popular Bible Verses from 2 ಕೊರಿಂಥ್ಯೆರೆಗ್ 4

Share

ಎಂಕುಲು ತೋಜುನ ವಿಷಯೊಲೆನ್ ತೂವಂದೆ, ತೋಜಂದಿನ ವಿಷಯೊಲೆನ್ ತೂವೊಂದುಪ್ಪುನಾಕುಲಾದುಲ್ಲ; ತೋಜುನವು ಒಂತೆ ಸಮಯ ಮಾತ್ರ ಉಪ್ಪುಂಡು; ತೋಜಂದಿನವು ನಿತ್ಯೊಗ್ಲಾ ಉಪ್ಪುಂಡು.

ಅಂಚಾಯಿನೆಡ್ದ್ ಎಂಕುಲು ಧೈರ್ಯ ತತ್ತ್‌ದ್ ಪೋಪುಜ. ಎಂಕುಲೆ ಶರೀರ ನಾಶಾವೊಂದು ಇತ್ತ್ಂಡಲಾ ಎಂಕುಲೆ ಅಂತರ್ಯ ದಿನ ದಿನ ಪೊಸತ್ತಾವೊಂದು ಬರ್ಪುಂಡು. ದಾಯೆಗಂದ್ಂಡ, ಒಂತೆ ಸಮಯ ಮಾತ್ರ ಹಗುರಾದುಪ್ಪುನ ಎಂಕುಲೆ ಭಂಗ, ನಿತ್ಯ ಮೈಮೆದ ರಾಶಿನ್ ಎಂಕ್ಲೆಗ್ ಉಂಡು ಮಲ್ಪುಂಡು.

ಮಾತ ಕಡೆಡ್ದ್ ಎಂಕ್ಲೆಗ್ ಭಂಗ ಇತ್ತ್ಂಡಲಾ ಎಂಕುಲು ಸೋತುದು ಪೋತುಜ; ದಿಕ್ಕ್ ತೋಜಂದಿಲೆಕ್ಕ ಇತ್ತ್ಂಡಲಾ ನಿರಾಶೆಗ್ ಬೂರ್ದುಜ. ಭಂಗ ಬತ್ತ್‌ಂಡಲಾ ಕೈ ಬುಡ್ತಿನಾಕುಲಾದ್ ಇಜ್ಜ. ಮರತ್ತ್ ಬೂರ್ದಿನಾಕುಲು ಆಂಡಲಾ ನಾಶ ಆತಿಜ.

ಇಂಚಿತ್ತಿ ಮಲ್ಲ ಬಲ ಎಂಕ್ಲೆನವು ಅತ್ತ್, ದೇವೆರೆನವೇ ಅಂದ್‌ದ್ ತೋಜಿದ್ ಬರ್ಪಿಲೆಕ್ಕ ಈ ದ್ರವ್ಯ ಎಂಕ್ಲೆಗ್ ಮಣ್ಣ್‌ದ ಪಾತ್ರೆಲೆಡ್ ಉಂಡು.

ದೇವೆರೆ ಪ್ರತಿರೂಪ ಆಯಿ ಕ್ರಿಸ್ತ ಮೈಮೆ ಪನ್ಪಿ ಸುವಾರ್ತೆದ ಬೊಲ್ಪು ಮಿಂಚಂದಿಲೆಕ್ಕ, ಈ ಲೋಕದ ದೇವೆರಾದುಪ್ಪು ಸೈತಾನೆ ನಂಬಿಕೆದಾಂತಿನಾಕುಲೆನ ಮನಸ್‌ನ್ ಮಂದ ಮಲ್ತ್‌ದೆ.

ದಾಯೆಗ್ ಪಂಡ, “ಕತ್ತಲೆದ ಉಲಯಿಡ್ದ್ ಬೊಲ್ಪು ಆವಡ್,” ಪಂಡಿ ದೇವೆರ್, ಕ್ರಿಸ್ತನ ಮೋನೆಡ್ ತೋಜುನ ಮೈಮೆದ ಗೇನ ಪನ್ಪಿ ಬೊಲ್ಪು ಉಂಡಾಪಿಲೆಕ್ಕ ದೇವೆರ್ ತಾನೇ ಎಂಕ್ಲೆನ ಉಡಲ್‌ಡ್ ಬೊಲ್ಪು ಕೊರಿಯೆ.