Popular Bible Verses from 1 ಕೊರಿಂಥ್ಯೆರೆಗ್ 3

Share

ನಿಕುಲು ಮಾತೆರ್ಲಾ ದೇವೆರೆ ಆಲಯ ಆದುಲ್ಲರ್ ಅಂದ್‌ದ್ ದೇವೆರೆ ಆತ್ಮೆ ನಿಕ್ಲೆಡ್ ವಾಸ ಮಲ್ಪುವೆ ಪಂಡ್ದ್‌ಲಾ ತೆರಿದಿಜರಾ?

ದಾಯೆಗಂದ್ಂಡ, ಪಾಡ್ದಿನ ಪಂಚಾಂಗ ಯೇಸು ಕ್ರಿಸ್ತೆನೇ. ಈ ಪಂಚಾಂಗ ಅತ್ತಂದೆ ಬೇತೆ ಒಂಜಿ ಪಂಚಾಂಗೊನು ಏರೆಗ್ಲಾ ಪಾಡಿಯೆರೆಗ್ ಆವಂದ್.

ಇಂಚ ಉಪ್ಪುನಗ, ಬಿತ್ತಿನಾಯೆ ನೀರ್ ಮೈಪುನಾಯೆಲಾ ವಿಶೇಷದಾಕುಲು ಅತ್ತ್, ಬುಲೆಪಾವುನ ದೇವೆರೇ ವಿಶೇಷದಾಯೆ.

ದಾಯೆಗಂದ್ಂಡ, ಎಂಕುಲು ದೇವೆರೆ ಕೆಲಸೊಡು ಜತೆಸೇವಕೆರ್; ನಿಕುಲು ನಂಬುನಾಕುಲು ದೇವೆರೆ ಕಂಡಲಾ ದೇವೆರೆ ಕಟ್ಟಡಲಾ ಆದುಲ್ಲರ್.

ಕ್ರಿಸ್ತೆ ಬರ್ಪಿನ ದಿನೊಟು ಪ್ರತಿ ಒರಿಯನ ಬೇಲೆ ತೂಟು ತೋಜಿದ್ ಬರು. ಬೊಕ್ಕ ತೂ ಆಯಾಯನ ಎಂಚಿತ್ತಿನ ಬೇಲೆ ಅಂದ್‌ದ್ ಪರೀಕ್ಷೆ ಮಲ್ಪುಂಡು.

ಬಿತ್ತ್ ಬಿತ್ತಿನಾಯೆಲಾ ನೀರ್ ಮೈಪುನಾಯೆಲಾ ಒಂಜೇ ಆದುಲ್ಲೆರ್. ಆಂಡಲಾ ಪ್ರತಿ ಒರಿಯಗ್ಲಾ ಆಯಾಯನ ಕಷ್ಟೊಗು ತಕ್ಕದ ಕೂಲಿ ತಿಕ್ಕುಂಡು.

ಏರ್ಲಾ ತನನ್ ತಾನೇ ಮೋಸ ಮಲ್ತೊನಂದೆ ಉಪ್ಪಡ್. ನಿಕ್ಲೆಡ್ ಏರ್ಲಾ ತನನ್ ಈ ಲೋಕೊಡು ಬುದ್ಧಿವಂತೆ ಅಂದ್‌ದ್ ಎನ್ನೊನುವೆಡ ಆಯೆ ನಿಜಾದ್ ಬುದ್ಧಿವಂತೆ ಆಪಿಲೆಕ್ಕ ತನನ್ ತಾನ್ ಹೆಡ್ಡೆಲೆಕ್ಕ ಮಲ್ತೊನಡ್.