अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह। अर थे आ जाणो की बिकी सक्ति जखी आपा बिस्वास करबाळा म काम करै ह बा कत्ती म्हान ह। आ सक्ति आपणा म बंय्यांई पूरी ताकत क सागै काम करै ह, जंय्यां बो इ सक्तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही। मसी सगळा राजकरबाळा प, अधिकार्या प, उपरी सक्तिया प अर परबुआ प, अर हरेक नाम प राज करै ह, बिको ओदो इ दुनिया प अर आबाळी दुनिया प अधिकार राखबाळा ओदाऊँ उचो ह।