Popular Bible Verses from 1 तिमूतियूस 2

Share

क्युं क परमेसर एकई ह अर परमेसर अर मिनखा क बिचमै बिचोलिओ बी एकई ह, मतबल मसी ईसु जखो खुद एक मिनख ह। जखो सगळा मिनखानै बचाबा ताँई खुदनै हरजाना क रूप म दे दिओ, जखी सई टेम प इ बात की गुवाई ही क, परमेसर सगळानै बचाबो चावै ह।

इब सऊँ पेल्या म थारूँ अंय्यां अरज करूं हूँ क, बिणती, अरदास, बिचबचाव अर धनेवाद परमेसरनै सगळा मिनखा ताँई दिओ जावै। राजा-म्हराजा अर सगळा अधिकार्या ताँई अरदास करी जावै। जिऊँ आपा सुक-स्यांती क सागै भगती अर सरदाऊँ परमेसर ताँई जीवन जी सकां।

जणा इब म चाऊँ हूँ क, हर कठै मोट्यार बिना झाळ भर्या अर बिना मनमुटाव कर्या, खुदका पबितर हातानै जो'ड़र अरदास करै। अर ठिक बंय्‍यांई म भाण-बेट्याऊँ बोलुँ हूँ क, सरम लाज अर थ्यावस क सागै सिदा-सादा पेराणऊँ खुदनै सुवांरीं, चोटी बणार सोना अर मोत्या अर मेंगा गाबाऊँ नइ, अंय्यां की भाण-बेटी जखी खुदनै परमेसर की भगत मानी हीं बा ताँई ओई चोखो ह क, बे खुदनै भला कामाऊँ सुवांरी।