Popular Bible Verses from НЕЕМИЈА 9

Share

Но тие и нашите татковци се заинатија, ги закоравија вратовите, и не ги слушаа твоите заповеди. Ја одбија послушноста, ги заборавија чудесата, што ги направи за нив; ги окоравија вратовите, а во главата смислија да се вратат во ропство, во Египет. Но ти си Бог на проштавањето милостив и благ, спор на гнев, а велик во милосрдието; и не ги остави!

Ти си Единствен, Господи! и го создаде небото, и небесата над небесата, и нивната војска, земјата и сѐ што е на неа, морињата и сѐ што е во нив. Ти го оживуваш сѐ тоа, и небесните војски Ти се клањаат Тебе.

а ти во бескрајно милосрдие не ги напушташе во пустината: облачниот столб не се криеше пред нив, дење ги водеше по патот, а пламениот столб ноќе светеше пред нив по патот по кој одеа. Им го даде Својот добар Дух, за да ги научи на мудрост, не им ја скуси Својата мана на нивните усти, и при жед им даваше вода. Ги крепеше четириесет години во пустината: ништо не им недостасуваше: ниту облеката им се кинеше, ниту нозете им отечуваа.