Popular Bible Verses from Titos 1

Share

Mkela ku Utux Baro mesa pgkela ka dheya, kiya de ga ini kela Heya ka noda daha. Dheya we so trqilun, ini thei ma, ini pnlengu meepah malu ooda.

Quri so seediq psbgurah we, asi ka bgurah ani maanu. Ga meniq mrutiq ka seediq ini snhii we, ani maanu de ida ini psbgurah, ani lhebun ma lnglungan de mrutiq kana.

Stmaun na bale ka kari mndungus tnugesa. Kiya de ddudul na seediq ka tnugesa mttuku. Kiya uri we mtduwa mopux seediq pkeekan kari.

Mpqlahang kesun we kiya ka mpqlahang sapah Utux Baro, asi ka uka ttyuan, ini psparu, ini mrmari ooda, ini kbsukan, ini skuxul tgdiyal ma, ini sgcuqi migin pila. Smkuxul riyung smbleyaq seediq mtnooda, smkuxul malu ooda, mgseesu, msderux, uka qnrutiq ma qmlahang bale.

Nasi niqan ka seediq uka ttyuan, rseno 1 ba mqedil na, lqlaqi na we snhii Bukung uri. Uka seediq smneeru naqah noda ma knhemuc de tduwa su phyegun.