Popular Bible Verses from Roma 2

Isu seediq nii, smnetur su seediq qmneepah so nii, qneepah su nanak we mntena qneepah daha. Yasu maha qduriq psgao Utux Baro ho? Uxe uri we sbciqun su ka kneegu huwe na, knpruwan lhebun na ma knrmenan na. Ini su klai kiya ka mpdudul sunan ka huwe na peni?

Maanu so kiya de, yamu seediq nii smnetur seediq, ani namu ima uka nngiyan namu mesa ini ku kela. Smnetur su mnmaanu seediq we ani nak qnnaqah noda su ani maanu. Ado seediq so smnetur we qneepah su nanak we mntena seediq kiya duri.

Ini psaanak qmita seediq ka Utux Baro.

Ado berah Utux Baro we uxe ka mbahang gaya kesun uka qnquwan noda. Wano muyu gaya ka kesun uka qnquwan noda.

Utux Baro we mpuyu na qneepah seediq cmiyuk txtaxa heyi.

Kmsaanak lhebun na ma ini thei quri bale ba ma sgpuyu nnaqah qneepah ka seediq we tperuq seang ka cyukan na.

Kiya de pniqun hiya knkrayan ini kmpriyux lhebun su ma psseli su nanak seang su! Meeniq ali seang ciida, msderux pnsgao Utux Baro we maha meyah ptuura nii.