Popular Bible Verses from Pilipi 2

Share

Iya wano isu nanak ka lnglungun su, Iya igin skbrhuwan. Wano peeniq tgseesu lhebun, txtaxa namu we mita seediq mgkala ita Txtaxa namu we iya psbrinah noda namu nanak, psbrinah ka ooda seediq uri.

Ngali lhebun namu ka lhebun Kiristo Yesu

Heya we nniqan hnyegan Utux Baro, kiya we ini lngelung geeluk ppntena na Utux Baro. Kiya de tgseesu heya nanak, mangal hnyegan tnqliyan. Maha mntena hnyegan seediq, niqan ka hnyegan na seediq de, asi sbiciq heya nanak, thei ba betaq mhuqil, betaq mhuqil bobo jyujika.

Ado ga qmeepah ckceka lhebun namu ka Utux Baro, kiya de bale niqan lnglungan namu ma daun namu uri. Kiya ka pttuku malu lnglungan na.

Maanu so kiya de, Utux Baro we wada na psaun tgbaro bale, kiya uri we biqan mgkala kana ngayan ka ngayan na. Kiya de kana meniq karac baro, bobo dxeral ma toma dxeral, ado ngayan Yesu de, tmbqelic kana ka papak daha. Mpkeso kiya rmengo kana ka quwaq daha, Bukung ka Yesu Kiristo, biqi knledax ka Utux Baro Tama.

Yamu we meepah namu ani maanu we, iya bale pkeekan kari ma mege naqah kari. So maha uka ttiyugan ka yamu ma, bale ba uka mberiq. Kiya de maha mlaqi uka qnnaqah Utux Baro meniq namu mbiki ma tbrinah ooda kndesan saya. Yamu we pntena so knledax mpkledax ckceka kndesan nii.

Dadal sgaalu mu, so nii taan ta de, bale ba thei ka yamu. Uxe wano meniq ku hiya, ani ku ini eniq yamu hiya ka yaku uri we ida namu thei bale. So kiya de naka namu miicu pttuku ooda ddoi baga namu nanak.