Popular Bible Verses from Hiburu 1

Share

Ledax knledax Utux Baro ka Heya. Bale ba hnyegan Utux Baro ka Heya, kiya uri we spooda na pnosa kari dooyun na ka ani maanu. Heya we snagan na kana ka qnquwan noda seediq, kiya de tleung narac Tgpusu Paru Baro.

Cbeyo we, Utux Baro we mneegu riyung spooda na dmpgeela kari rmengo rdrudan. Qnhdean ali we, spooda na laqi na rmengo ita ka Heya. Kiya uri we Heya ka maangal kana ani maanu ma, spooda na Heya uri smnalu kana ani maanu.

Uxe kesun bgihur mqeepah kana ka snkgulan baro, snkgulan mosa meepah seediq mmaha mangal gnhuwe peni?

Rmengo dungal ka Heya, “Bukung! Plaale ba ciida we isu ka pnheyu pusu dxeral, karac baro we snmalu baga su uri. Mpkuuka kana ka karac ma dxeral, isu we meeniq su ani knuwan. Maha mntena lukus mpcmucac ka karac ma dxeral.