Popular Bible Verses from Epesos 5

Share

Maanu so kiya de, laqi ga mangal gaalu, puyu ba Utux Baro. Pdai gnaalu meepah, mntena Kiristo gmalu ita. Ado ita wada malix heya nanak, ngalun na malu sknexan bbege ma snapuh sbege na Utux Baro.

Qlahang ka ooda namu, iya so seediq uka tunux. Asi ka so seediq niqan knkela. Krwahi ba ka ali, ado mnaqah ka kndesan saya.

Iya kbsukan sino, pqnaqah seediq ka sino. Kstenge Bgihur Utux ka yamu. Pdai uyas, uyas mqaras, uyas pneyah Bgihur pprengo ma muuyas lhebun namu mqaras Bukung. Kana ani maanu ooda we pdai ngayan Yesu Kiristo Bukung qqrasi klaali ka Utux Baro Tama.

Iya so seediq mnngataq, klai maanu ka lnglungan Bukung.

Yamu so ga ngalan rseno we, glaani ka mqedil namu nanak, mntena so gmalu pssliyan ka Kiristo ma, ririh pssliyan qmada heya nanak.

Cuuxal we mnkuung namu ka yamu, maanu so kiya we saya de ga namu lmedax ckceka Bukung, noda namu uri we asi ka so mntena lqlaqi lmedax.

Pniqi kniicu Kiristo ka lhebun ma moda ppthei.

Yamu mqedil we, thei rseno namu, mntena so thei namu Bukung.

Kiya de txtaxa namu we glaani kana ka mqedil namu, mntena so gmaalu namu yamu nanak. Mqedil uri we sprui mita ka rseno namu.

“So nii pusu na, seediq we asi ka mswaye peeyah tama ma bubu na ka seediq ma, msuupu mqedil na. 2 heyi we mpkingal heyi.”

Ooda uka ririh mnkuung we, iya ba dai. Krnahi ptuura ka ooda so nii.