Popular Bible Verses from 2 Tesaloniki 2

Share

So uxe mdoi ani maanu mpqberiq yamu ka seediq. Ado tgberah ali kiya we maha niqan ka noda ttbrinah nii. Kiya uri we niqan ka seediq uka gaya, meyah mtruura ka seediq mpkgedang.

Mtswai sgaalu Bukung, ririh yamu mqaras nami Utux Baro klaali. Ado Heya we gmao yamu ma mghei namu pnlaale. So snhiyan namu bale ba kari we, maha namu mrtaso ma ddooyun baga pneeyah Bgihur Utux.

Dseediq mhetur na we, heya we spgkala na kana ga ngalan utux, kana ga thmkuwan seediq. Tleung Sapah Thmkuwan nuUtux Baro ma ngalan na so Utux Baro qmita ka heya nanak.

Tai so Yesu Kiristo Bukung ta ma Utux Baro Tama ta gmaalu ita ma, gnhuwe na sbege na ita ka ppsbeyax ani betaq knuwan ma malu ba sntangan. Pkbeyax lhebun namu, kiya uri we psdehu yamu meniq kana malu qneepah ma malu kari!

So kiya de, Utux Baro de sbege na dheya ka lhebun qnuuqu, kiya ka snhii mberiq ka dheya.

Seediq uka gaya nii we, smtama Satang meepah. Mooda meepah lmlamu sklwiun beyax, sklwiun noda ma, kana noda mberiq. Kiya we meepah qnbriqan daha uka msderux noda meniq heyi dseediq mpgedang. Ado ini skuxul mangal lhebun bale ba ma ddoi baga ka dheya.

Ado nii lmeing mooda meepah ka seediq uka gaya nii. Ado niqan ka ga hmetur na, asi ka wada pkngalun ka hmetur na de kiya ka mptruura meepah.