Popular Bible Verses from 2 Petros 1

Share

Beyax Utux Baro wada na sbege ita ka kana quri knuudus ma ooda kstuutux. Ado klaun ta ka Utux Baro spooda na knledax na nanak ma knmalu noda na mnlawa ita. So kiya de, wada na sbege ita ka malu riyung ma paru bale sntangan. So ta maha smtheya qnnaqah kkraguh toma bobo dxeral, kiya de maangal ta bale ba kklegan nuUtux Baro.

Kiya ka ririh so nii de, asi namu ka mdrumuc bale. Niqan snhiyan de, prnai malu noda. Niqan malu noda de, prnai knkela. Niqan knkela de, prnai qqlahang. Niqan qqlahang bale de, prnai knrmenan. Niqan knrmenan de, prnai kstuutux. Niqan knstuutux de, prnai lhebun gmaalu mtswai. Niqan lhebun gmaalu mtswai de, prnai lhebun gmaalu seediq.

Nasi namu niqan so nii ma, prnaun namu dungal we maha namu uxe mpkbserux ma ini kheyi meeniq gnklaan namu Yesu Kiristo Bukung ta.

Maanu so kiya de, mtswai, kdrumuc bale ka yamu, so pnlwanan ma gneegan namu na we maha psdehu uxe mpklgelu. Daun namu ka so nii de, uxe mptakur ka papak namu.