Popular Bible Verses from Dakɔr deg 14

Share

Nya kɨɗabe, ot kad i taanɗɔɔ Bɨraɓe, ot ɓoolɨn deg kɨ dɔningt'n non kɨta a ĩn nyasaj. Nya kɨ ngengomd goto, i tit ndil kɨ tɔi kɔ be, na Bɨraɓe i nat sej, ot ɓoolɨnd.

Bɨraɓe i ngendɨ badɔ wongt, kamkẽ loa i ngãibe, ndɨ nyàgo nyaɗa kɨgoot al kɨ tɔidɔta kɔ, A ɔrr ta dɔ det kɨ ta hɔa al bat, na ad kɔjkum kɨta nyaɗa kɨgoot al lo bɔwg so dɔ ngangt mbã kɨdɔ ngakat kɨkõmɨta kɨ kɨkõsɔɔ.

Ĩla ro Bɨraɓe nela sej a ne, a aw sej kam dɔningt'n non, i dɔning'n mbà kɨ tej nunt.

Na ɓer lom Kaleb aw kɨ ndil mad kɨɗang kamɨnt, tel ron go tat lom kɨ kam kɨro ye, m'a m'ada and kam dɔning'n awt kete nõ kad ngankaa taan dɔning'n non nyakagɓet.

Eld an: Rota, ndɔ ndimt kɨ dɔ dõ, kel Bɨraɓe, m'a m'ɗa sesɨ tit kɨ i elɨn ne ta mbimt.

Bɨraɓe el Moij an: Mbã ndɔ bãi deg'n ɗan a nyan ta kidɨm a? Mbã ndɔ kɨ ɗi a admɨn kamd al dɔ nyakɔjgt tube kɨ m'ɗa kudt a?

Israelag tube nyurɨn ta dɔ Moijt kɨ Aarõ, na ngékawna tube elɨnd anan: Ni kad j'oi kam dɔning Ejipt't a ke kad j'oi kam dɨlalot'n ɗan.

Jojue ngon Nun kɨ Kaleb ngon Jepune'n ĩn ku ngéndalogt'n ndan m'ãi dɔning'n non tilɨn kubg lod, elɨn ngékawna lo Israel tube anan: Dɔning'n kɨ nda m'ãia i dɔning kɨmaj ngãi kɨtɔi.

Rota, dɔ ndimt kɨ dɔ dõ, tit'n dɔning kɨtaagbe a ɗoosɨn kɨ kunj Bɨraɓe kɨɗangeɗeng deg tube kɨ oon kunjɨm kɨɗangeɗeng kɨ nyakɔjg'n m'ɗad kam Ejipt't kɨ kɨ kam dɨlalot, deg'n namɨn asɨ nja kɨlah, na oon dɔ ta lom al, ĩgɨn non tube a oon dɔning'n m'unɨn kɔm kɨ yokɨnda mad bɔwdg al, tube'n kidmɨn a oon al bat.