Popular Bible Verses from Ejai 43

Share

Oon m'ndɨ m'ɗa nya kɨkij. Nya'n non ndɨ ɗa lo tee tajigla, oon ale? Ã m'a m'ɗa ɗob kam dɨlalot, kɨ bahg kam lot kɨ mangah.

Lon a ud man a ne, m'a mĩ sei nat; ke a i gang bah kaa a tiw dɔi al, ke a i ndia kam horrt kaa, horr a õi al, ndõhorr a ɔdi al tɔ.

Ot gaan dɔ nyagt kɨ tɔin kete. Ot gan kamsɨ dɔ nyagt kɨ kaglot kɨmaɗi nu.

Ĩ Jakob, tajigla, kel Bɨraɓe ngendai kɨ ngeɓai, ĩ Israel: Ot ɓool, kɨta m'badɔi, m'kuni kɨ tɔi m'an: Ĩ lom.

Kɨtɔ ĩ taa, gati i ngãi takum'mt, in nya kɔsɨgon, na m'tari. Kɨtɔ 'nten mad deg m'gan gooti, girrdeg kɨ dang dang kɨta kumkajir loi.

Kɨtɔ mĩ, Bɨraɓe Luwah loi, Ngekunjɗang kɨ Nge Israel, Ngekaji. Mad Ejipt kad i nyabadɔi, Etiopi kɨ Seba ɔrrɨn gooti.

Ot ɓool, kɨta mĩ sei nat, ko loɓakàdt m'a mad koih tel kɨ ɓe, kokudkàdt m'a m'kaw deg kɨ tit.

I mĩ, mĩ la m'bɔrr tɔidɔtag loi kɔ, kɨtatɔm mĩ kɨɓe, mad kamm gah dɔ majalgt loi gog al.

In ngémanajg lom, kel Bɨraɓe, in, ɓerg lom kɨ m'mbedsɨ, kad i gerɨn, na admɨn kamsɨ, kad i gerɨn girra ad i Mĩ. Kete nomt luwah mad kɨ ɓah goto, ke gomt luwah mad kɨɗang goto tɔ.

I mĩ, i mĩ la mĩ Bɨraɓe, ngekaj kɨɗang goto, na mĩ tã.

Mĩ Luwah, Mĩ titbe, na ngekugkɔrr jimt goto, m'a m'ɗa kɨla, nõ a ɔgɨm dɔ a?

Dãg kɨmut a ɔsɨn gonɨm, talbisɨg kɨ bulumg tɔ kɨta mad man tee kam lot kɨ mangah, kɨ bahg kam dɨlalot kad kɨmbedg lom ãin. Deg'n m'ɓad kɨtɔm mĩ kɨɓe a lan mber ndubɨm

M'a m'el lo kɨ dɔɔ m'an: Ad. Na m'a m'el lo kɨ ɓodo m'an: Ot kɔg dɔd. Ad nganɨm kɨdɨngã ɗen ko dɔningt kɨsãi, kɨ nganɨm kɨdẽ ko dɔngoi dɔningt tɔ. I ɗen kɨ dekɨɗen'n kun tɔm dɔnt, deg tube'n m'ndad, in m'ɓad, kɨta kɔsɨgon lom.

Titbe kel Bɨraɓe, nge tee ɗob kam bahbot, nge tee ɗob dɔ mangt kɨbobo, kɨ ngeɓai kɨ pusɨɗɔɔ kɨ sɨndag, koosɨ ngéɗɔɔg, kɨ kɨrãɗɔɔg, got gog son ber nat kɨɗabe, a asɨ ɓain al, oin tit horr kɨ mesɨ lambat be

Mĩ Bɨraɓe Ngekunjɗang losɨ, Ngendah Israel, Ngar losɨ.