Popular Bible Verses from THUPHUAN 2

Share

Ikhalselai mawhhluk tuh pakhat na nai ing; a hampan in ithnak na naihnak heh nai nawn lo isi.

Na tlokhnak a sangdan heh ruat tucuk law. Na sual sir tulai a hmasa ai na bawnhnak bawn leh tu. Na sualhnak hlum hlahle sikhaw kawi tuhai na maivarhnak khuam hmundang ah thawn tuh ing.

Harsa ning tuar tuhhnak heh zaikhai lau mah. Ngai tu! Satan in ning cu tuhai hrekkhat tu thawng ah ning hla tuh i. Cen ning harsahnak tu ni hra rai tuh i. Thihhnak tuar tuh ita inkhai i caah rinsantlak in um tu ilai ning nehman ah nunhnak sui lukhuk ning pe tuh ing.

“Zahnak bil nai le i sikhaw Rauhla in pawlpui hnenah a relhnak heh ngai tu ih. “Nehtu a imi hnenah Pathian Vuan songai a pohnak nunhnak thingthai aithilhnak thupe tuh ing,” ti i.

Na naperhnak ling ing; har roh ai na naper zia le thinsau ngai ai na um zia khai ling ing. Cen hrokhrawl mite na or ben zia le hnuahluntu ilo napui hnuahluntu ing a titute nangmah in cu ai thudonreltute i ti na hmusuakhnak thute khai ling sio ing.

Thin na sau ai kaimah manin tuar isi; ikhalselai awl cuanglo isi.

“Zahnak bil nai le i sikhaw Rauhla in pawlpui hnenah a relhnak heh ngai tu ih. “Nehtute tu thuphnak Manna sang hrekkhat pe tuh ing. Ciahlaiah lung ngo pakhat ṭen in pe tuhai ciami lung ngo vum ahcen a cotu ian in linghnak hming thar ngan tuh ṭen i,” tiin ti i.