Popular Bible Verses from LUATSUAKHNAK 10

Share

BAWIPA in Moses hnenah, “Pharoah hnenah feh tu. Hetluk ngaihsunurkul i bawn tuhhnak ah amah le a kuthnia tlangsuakte ai thinlung ruhruai zo ing. Amahte lakah hetluk ngaihsunurkul bawn ai Egypt mite khiah hnihsa menma ai i hmang heh ning tu le ning fate hnenah rel tuh hrang i. BAWIPA ing ti khiah ning veksen in ling tuh i si,” tiin ti i.

BAWIPA in Moses hnenah, “A sah ze manin a pel kul a dai thai khuathimpui in Egypt ram song khuk tuh sio in na ban van ah pharh tu,” tiin ti i. Ciamanin Moses in a ban van ah pharh ai Egypt ram khuathimpui sah bol in ni thum song khuk mial i. Ciatihin khua a thim manin Egypt mite tu pakhat le pakhat hmu dun thil lo ai ni thum song aisu khai sumpua suak thil lo i. Ikhalselai Israel mite umhnak ahcen khua var hlen i.

Ciamanin Moses in a faikiang dang ai BAWIPA in nisuah lamin hlivua zuangruai ai sunnivui le zankhuavar in zuang i. Zing lamah hlivua in khokhuakte khiah zuanpui diamdo i. Egypt ram khua cangcang ah hleng ai a ram pumpuhluk in dim i. Khokhuakte tu a tam ze ai ciabang hmu awng kel lo i. Hmai lam ahkhai ciabang hmu tuh nawn lo ihang.