Popular Bible Verses from EFESA 5

Share

Ningte tu Pathian ai ithnak fahniang ning imanin amah bangin cang tuh zuam tu ih. Khrih in kin it ai a nunhnak kin caah pe zo i; ciami a pehnak a nunhnak tu Pathian lungawiruaitu rimhmui selhnak le hibawlhnak i. Ciamanin ning nunhnak tu ithnak in ning uk tuseh.

Ciamanin ning nundan ah ralring tu ih. Mivoi bangin nung mah ih; mifim bangin nung tu ih. Can pha ning naihnak cangcang ah man nai roh in hmang tu ih; zaimantifangin kin san heh san sia i.

Zu ri mah ih, zu heh ning siatsuahtu sawn i. Ciahnak tahin Rauhla in dim tu sawn ih. Pakhat le pakhat Saam la, pumpehnak la, Thangphathnak la le la thiang in pon dun tu ih. BAWIPA tu pumpehnak la le thangphathnak la thawn thinlung tak rori in thangphat tu ih. Zaizongza hrangah kin BAWIPA Jesuh Khrih hming in Pa Pathian heh thangphat tu ṭio ih.

Voi nawn mah ih; Bawipa ai ning bawn ruai nuamhnak si tum tu sawn ih.

Pasalte, Khrih in pawlpui heh it ai amah caah a nunhnak tian a pe bangin ning nupuite tu it tuh i si.

Hlanah tu ningmah heh khuathim songah nung tlang i si; ikhalselai BAWIPA ai minung ning i zo manin tun tu tleuhnak songah um i si. Ciamanin tleuhnak ai minung bangin nung tu ih.

Khrih ning upathnak manin pakhat le pakhat daihhnak hlun dun tu ih.

Nupuite, BAWIPA ai daihhnak ning hlun bangin ning pasal daihhnak hlun tu ih.

Ikhalselai ningmah thawn khai peh dun thotho i; pasalte hmuahhmuah in a nupuite heh amahte ai taksa pum a it bangin it tlang tuh ve ai nupuite hmuahhmuah inkhai amahte pasalte heh upat tuh i si.

Lai Thianghlim in, “Hemi thu manin pasal in a nu le a pa hlum tuhai, a nupui thawn kom tuhai anite tu pumkhat tuh ihang,” ti i.

Minung ai bawndehnak santlai lo thil le khuathim song thilte tu a dai khai dai mah ih. Ciabang thilte tu tleuhnak ah hlenpui tu sawn ih.