Ni hnuataber lamah harsa can tampui hleng tuh i ti khiah hih tu ngio. Mi tampui hmundit tlang tuh i, pamhap vanngai tuhai hngal in puarthau tlang tuh i. Mi zohsuam tlang tuh i, amahte nu le pa thu khai el tlang tuh i, ang pha khai thiam tuh lo ai biakhnak khai zaisiar tuh lo i. Mi ninghio thiam tuh lo i, mi zawnruat nai tuh lo i, mi thangsiat hiamtu i tuh i, mi vit hiam tlang tuhai a laukul tuh i. A pha hua tlang tuh i. Mi zuar hmang le mi engsan hmang tuhai thin salpa in a nungmi i tuh i; tluangkhawng tuh tliatlo ai Pathian tahin taksa hiamhnak daih tuh sawn i. Kin biahnak tu a pualam incen pom tlang tuh i; ikhalselai a songlam ai a hathnak huham ngaingai tu hnawl tlang tuh i. Ciabang minungte tu kom mah ih.