Popular Bible Verses from 2 THESALON 2

Share

Aisu inkhai ning zawl maseh. Zaimantifangin hnuataber Ralthohnak a hleng hlan le hell ai tla tuh misual pa a hleng hlanah BAWIPA ai Nia tu hleng tuh lo i.

BAWIPA ai ithnak u le naute, ningmah manin Pathian thangphat tuh ṭiode i ing. Zaimantifangin Rauhla hathnak manin Pathian mi thianghlim ai cangruai tuhin le thutak ning sanghnak manin nunohnak ngah tuhin Pathian ai ril hmasaber mite i si.

Mihrokhrawl pa in midang in khuazing ai ruatmi le bia tuhin ruatmi hmuahhmuah tawngcai tuhai ciamite vumah dah dun tuh i. Pathian Biakinn songah khai lut tuhai to kongin kaimah heh Pathian ing, ti tuh i.

Kinte kin it ai ning kin hio manin catloin ralphahnak le umlamhnak kho ngai kin petu kin BAWIPA Jesuh Khrih Amah le kin Pa Pathian in, ning in a pha rel ai a bawn khai ning bawn thil tuhin ralphahnak le thazang hathnak thawn ning dimruai tu hram seh.

Ciamanin Pathian in anite hnenah naper tuhin sualhnak huham hlak ai a dik lomi khiah sang tlang i.

Mihrokhrawl pa tu Satan hathnak huham thawn hleng tuhai ngaihsunurkul le khuaruahhar a phunphun mi zawlhnak ah bawn tuh i. A pairal tuh tepawl hnen ahcen a pha lo ze mizawlhnak phuncang hmang tuh i. Ciamite tu pairal tuh i, zaimantifangin nunohnak ngah tuhhnak a ummi thutak heh daih lo ai cosang fawn lo i.

Mihrokhrawl pa tu a thupruk in naper zo hnelhno i; ikhalselai a dawntu khiah hmundang ah thawn teu hlan ahcen a lar tuhhnak tu lar tuhlai lo i.