Popular Bible Verses from 2 KORIN 4

Share

Ciamanin hmaiton in kin sikhnak hnelhno heh kin hmu thilhnak thilrite ilo i; kin hmu thil lohnak thilte sawn i. Hmu thilhnak tu can comniu song lek awk i; ikhalselai hmu thil lohnak tu kumzangza tham i.

Hetih imanin vansang in um awng lo ing. A pualam kin taksa ruangpui tu ṭumsuk zianzo napui kin songlam nun tu nisiar tharsuah ṭio in um i. Cen harsahnak can comniu song kin tawkhnak niuniu in a let tampui in kumzangza songlawihnak kin pe tuh i.

Kin cingkim in a roh ngai in kin rial napui kin keh kin zan lo i; a cancan ah multing aican in um i ing, ikhalselai kin vansang lo i. Reemhnak tuar napui kin zam lio lo i; kin tuahmawh napui kin siatsuah lo i.

Ikhalselai he rauhla rothil a cotu kinte tu suntlung ai bawnhnak bel bang ian i ing; zaimantifangin a sang ber thunaihnak tu kin naihnak ilo in Pathian ai i, ti larruaihnak ah i.

Ciamite in sang nuam lo i, zaimantifangin he laivum ai khuavang in amahte thinlung heh thimhnak lakah dah ngio manin i. Thuthangpha ai tleuhnak, Khrih songlawihnak in a hlenghnak tleuhnak tu hmu maseh tiin ciami laivum khuavang in ber ngio i. Ciami Khrih heh Pathian hmuihmel taktak i.

“Khuathim songin tleuhnak suak tuseh,” tiin a titu Pathian tu Jesuh Khrih ai mithmai ai Pathian songlawihnak khiah kin lingthilhnak tuhin kin thinlung songah a tleuhnak kin petu Pathian Amah thotho i.