Popular Bible Verses from WAROMA 5

Share

Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

Na owede-lu lohutsa sonupfo kipfa ikunda lya Ruwa liikualya ngoonyi tsadu kui Mumuyo Mwele ichu lui-wasumbe.

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda. Na ikuhoda-li lyekeende otsano na otsano-lu lokeende owedi.

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu. Nao nyio aluinengye mtengele fulya foluduo ipfo kundo kuwode wutonga-wu wo Ruwa lukuilikishye nawo na ikuṟumisha kui owedi lowedya wuitoṟi wo Ruwa.

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

Kikawa kido naso lui-watane wahoṟotsu wulalu oshangunyi lo Ruwa kui pfinya ya samu iya yake, nyi wuda kya ngoseṟa lochikaa luhende iletso nyio tuuke iya ya Ruwa.

Cha kipfa chando walya wafoi wamhenda itano wanyamaṟi kitewe nyi wulemi wulya wo mndu-cho umu, na wudo na walya wafoi wechitano wahoṟotsu kimaduma nyi wutechi wo ichu umu-ho.

Manya chi ikyo lukuwawye na Mndumii odu Yesu Kristo lukamaa yambya mwoloṟye-fu wulalu kui mweke foke.