Popular Bible Verses from WAFILIPI 2

Share

Ma mulawone moamtsa shida ya nda mulakunyashe nekushela, kya indi orio onu natane odoe msongoru muwe mokunyiiṟa mudi mose. Kulakae echitukuya kilya kii kyake kii-kyenyi kya indi mutaramane iringa kii kya odoya.

Muwe mokumbuo kimu na kilya kiwewode Kristo Yesu.

Nao mandi awei o mkao fo Ruwa alehamba ke ikaa kimu na Ruwa liwechiwa na irakuopfo. Kya indi alekuatuo amonyi kawada mkao fo mndu isinga kawao mfananyie fo wandu kawekoyo ai o mbuka ya mndu. Awekunyiiṟye amonyi kawewa moidikya itane ashika opfunyi nalo luwei opfu lo msalabenyi.

Kyamba nyio Ruwa aitana kimu nanyo iteseheṟa na iṟunda shilya shichihianyi.

Nkyo kimaduma nao Ruwa amng'anyishye adi kamsumba rina ling'anye orio rina lingi lyose. Kundu orio ndi tsikuleme kui rina lya Yesu na tsa waruwehu na tsa wawanda ii na tsa wai shi. Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

Kewewutenyi shindo shose mulechinunuwa ma ipfio nyi mdo. Kundu muwe watechi na wasalari mui wana wa Ruwa walawode paṟi kiidi kya mbaṟi ya wandu ilee kipfuṟi ipfulukye, ipfo kiidi kyawo muiwaa cha nyenyeri tsii aa wuyana.

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.