Popular Bible Verses from MARIKO 2

Share

Na Yesu kekiwaicho ado kawawia, “Iwo wawode oru chiwo wasaṟye mhangapfo, shila na iwo waluo. Wandu njicheye iwalaha chi iwo wasumuhanyipfo, shila na wandu wanyamaṟye.”

Yesu kekiwona kidikyo kyawo, kawia mndu ulya a muumu shiwungo, “Manoko, omehoṟio njonyamaṟo tsapfo.”

Nao Yesu kawawia, “Mkonu fo Sabato fu mbike kipfa kya kiira kya mndu, ma chi mndu kipfa kya mkonu fo sabatopfo.

Walaidime imshitsa o handu Yesu ai kipfa kya mamingi fulya fo wandu. Wakahenda yatuoatuo mba iya alya huye ipfo sumhana na handu Yesu ai. Wakasanja-ho wakasotsya-pfo kitaṟa kilya, kirie mndu ulya a muumu shiwungo.

Kya indi njikundi mumanye, ke Mana o Mndu nyi awode pfinya kunu orukenyi yehoṟia wandu njonyamaṟo.” Kawia mndu ulya amuumu shiwungo. “Ngakuwia, kyekure noire kitaṟa kyapfo nokuhendye kanyi kopfo.”

Iki kii kyangu nyi kihya, ngesa nyi iwia mndu-chu muumu shiwungo. Njonyamaṟo tsapfo tsamewuto ang'u nyi imbia, “Kure noire kitaṟa kyapfo nokuhendye?

Oweṟe kakure kaira kitaṟa kyake kawuka-pfo, wandu wawonyi wose. Wandu wose wakauma mkahai wakang'anyisha Ruwa wechihamba ke, “Lulembone shindo cha ishi manyale-pfo!”