Popular Bible Verses from MATAYO 28

Share

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele. Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

Kyasia msu ulya o Ruwa kahaluo kawia waka walya, “Ma mlawone mochiowuo. Na njichi nyi mukeri ipfula Yesu ichu awei mbambye msalabehu. Nakeri iyapfo. Nyi amṟuka na chando alewehamba. Njonyi muambuye na handu awemlaṟe.

Nalyo Yesu kawawia, “Ma mlaowuo! Kehenda ongoyenyi wanawawama wahende kulya Galilaya. Mpfondo wechinjiwona.”

Wakasanza handu hamu na wasongoru wakadeda kyama. Wakainenga wasikari walya rupia tsingiki. Wakahamba, “Hambenyi nyi walya wa kiloshyonyi wacha na kio wakamiwa-ho lulee mado. Nakyo kokoya kemanyikya ma ipfo ko mchili moitoṟya oruka na lochimanjaṟya-nja-ṟya luwembonya ikukaya kipuo.” Nawo wakaduo rupia tsilya wakahenda wuta chando waa waloshe. Na idedo li likahambo ipfo kiidi kya Wayuda likadung'anana likashika itane inu.