Popular Bible Verses from MATAYO 24

Share

Na ili wunyamaṟi wochipfumbuka wudo nkyo kechiinenga ikunda lya wandu wafoi lisie yololya. Kyaindi ichu mokarishya-ho kaweda nashike ili masiyonyi nyio echikiṟo.

Na ndumi ii ya sia ya wumangi iweongoyo idung'ane kunu orukenyi kose kiwe nyi kiṟingishyo kya wandu wa masangenyi. Nalyo kushike iya masiyonyi.”

Kyaindi nyi mochiicho shida na mbonyi tsihambo tsa shida. Ambuyenyi ma mulakangaṟike. Cha kipfa ma kikaki na kihende kido. Kyaindi kikamshika oo komkoya iya masiyonyipfo.

Nyi kipfa oruka lu lochiamkya oruka lungi. Na wumangi wuweamkya wumangi wungi. Kuwewada-ho na njaa na shiding'ashi shiweida-pfo kui handu kui handu. Na shindo shi shose shikamewoneka nyi mawokyonyi ha mawukiwa halya.

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”

Cha kipfa nyi kochikaa kuche sa wafoi wache kui rina lyako wahambe, ‘Inyi nyio Kristo. Wadetse wandu sa wafoi.’

Nalyo wahende imdambika wamiitse shiwirenyi na imbaha wawembaha. Nanyo mukoe musuikyo ko wandu wa masanga hose kipfa kya rina lyako. Nalyo kukaepfo wandu sa wafoi wesukyo na iṟingyana na isuana. Na waikimbi wehamba sha wongo wawekurepfo wafoi waduo wandu wafoi ipfo kidekyonyi.

Na Yesu kahaluo kawawia, “Kekuṟisenyi mulawone mndu kechimlemba.

Kyasia kyamba nyi wudo kii nawo kewekaenyi-ho mukusungusye. Nyi kipfa Mana o mndu echicha na saa ilindi mlechikumbuo.”

Kelaenyi-ng'u dembo, kipfa mulaichi mkonu fulya Mndumii echicha.

“Kyaindi kya mfiri na saa iya kuipfo mndu aichi mbonyi tsayopfo ma wasu wa kulya ruwehu, manya o Mana shile na Wande amonyi.

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

Indi chando kiwekeri mandi halya ha Noe na ili kochishika iya macheyenyi ha Mana o mndu na wudo kechiwa. Nyi kipfa chando wawekeripfo mafiri halya mbele ya mfu fulya fo mṟinga wechilya shelya na inyo, na ikualikia na ikualikio, washika mfiri lilyandi Noe keida na kulya isandukunyi linene. Ma walamanye kindo mfu fulya fung'anyi fo mṟinga fukatana focha fukawakombetsa wose, na ili mandi kochishika iya macheyenyi ha Mana o mndu na wudo kechihenda iwa kido.