Popular Bible Verses from MATAYO 13

Share

Kya indi ichu a-mbaaye ipfo terinyi njicha nyio ichu echiadanya idedo-lyo na ilimanya naho kahenda ikumbya kilimu. Ichu umu kawika ihana, na ichu ungi makumi haṟandaṟu, na ichu ungi makumi haṟaṟu.”

Na ichu a mbaaye kiidi kya msha nyio ichu echiadanya idedo-lyo. Kukakaa-pfo mawina ha kunu orukenyi na wulembi wolembo nyi masaa shikapfumba idedo-lyo lilakikumbye-se kilimu.

Orio mndu ose ili ekeicho dedo-lyo lya mbonyi tsa wumangi nalamanye, nyi ichu mbicho acha napfo karakuo-ho kilya kii kiwaaye ipfo mrimenyi koke Nyio ichu ambaye oo mbarinyi ya njia.

Na ichu ambaaye handu hawode maho nyio ichu echiadanya dedo lilya naho kakambiṟa iliidikya na sia. Kya indi alawode mri asotsye ipfo kiidi kyake, nyi akeri nyi mokaa-ho oweṟe. Indi kambona kuiho wukiwa na iterengyo kipfa kya idedo-lyo nahonu kakambiṟa isukyo owinyi.

“Wumangi wo ruwehu nyi wufananyi na kisa kya shindo sha wuitoṟi kiwei kiṟike wanda demenyi Mndu kakiwona kahenda kakiṟika. Nao lyandi awodo nyi sia kahenda kumba shilya awode shose piu, kacha ihuṟa dema lilya.”

Kya indi tsingi tsikaoloka ifo terinyi njicha. Tsikakumbya kilimu. Iya imu ikakumbaya ihana, iya ingi makumi haṟandaṟu, na iya ingi nyi makumi haṟaṟu.

Kelekenyi shing'anyishane shi shiwi shishike iya mawehyenyi Komshika iya masanyonyi na inyi njiwie walya wesana, ‘Kesongwonyi isanya mambuṟo-ho muhafunge na shikonde kundu mochihakoṟa, kya indi mbeketso muhende itsisanya ipfo kikumbinyi kyako.’”